İran ABŞ-yə: “Özünüzü biabır etməyi dayandırın”
Kateqoriya məlum deyil
T
İran parlamentinin sədr müavini Əli Nikzad ABŞ hökumətinin bölgədəki siyasətini tənqid edib.
Sfera.az xəbər verir ki, İRNA agentliyinin məlumatına görə, Nikzad ABŞ-yə müraciətində bildirib:
“Səhv edən ABŞ hökumətinə tövsiyəmiz budur ki, özünü daha da rüsvay etməsin və Yaxın Şərqi, eləcə də Fars körfəzi bölgəsini mümkün qədər tez tərk etsin”.
Nikzad ABŞ-nin İran ərazisindəki hərbi əməliyyatlarına da toxunaraq bildirib ki, İran ABŞ-nin hərbi bazalarına və gəmilərinə qarşı hücumlarda öz imkanlarının yalnız bir hissəsindən istifadə edib.
“Bu müharibə ABŞ-nin xəyali böyüklüyünü sarsıtdı. Bu gün beynəlxalq ictimaiyyət və azad xalqların oyanmış vicdanı reallığı daha aydın görür”, – deyə iranlı deputat əlavə edib.
Bəsti Rəfizadə
Sfera.az
