Məşhur iş adamı qızıl tabutda dəfn edildi
İngiltərə və Nigeriya vətəndaşı olan sosial şəbəkə fenomeni və iş adamı İqo "Tayni" Ubiribo (Igho “Tiny” Ubiribo) Tailandda etdirdiyi cinsiyyət orqanının böyüdülməsi prosedurundan sonra həyatını itirib.
Sfera.az xəbər verir ki, Böyük Britaniyadakı Məhkəmə Tibbi Ekspertizası ölümün tibbi müdaxilə zamanı istifadə edilən maddələrin ağciyər emboliyasına səbəb olması nəticəsində baş verdiyini təsdiqləyib.
Hadisə iş adamının həyat yoldaşı Deniel Simba Allen ilə birgə Tailandda istirahətdə olduğu zaman baş verib. Məhkəmə materiallarına əsasən, mart ayında Banqkokdakı klinikalardan birində Ubiriboya 40 millilitr hialuron turşusu və lidokain iynəsi vurulub.
Prosedurdan sonra həyat yoldaşı ilə birlikdə masaja gedən iş adamının qəfil sinəsində kəskin ağrılar başlayıb və o, iki dəfə huşunu itirib. Dərhal xəstəxanaya çatdırılan Ubiribo həkimlərin məsləhət gördüyü kompyuter tomoqrafiyasından keçirilə bilmədən yenidən komaya düşüb. Sağlamlıq komandasının 100 dəqiqədən çox davam edən reanimasiya tədbirlərinə baxmayaraq, onun həyatını xilas etmək mümkün olmayıb.
Məhkəmə tibb eksperti Cin Harkin (Jean Harkin) meyitin yarılması zamanı ağciyərlərdə tətbiq olunan hialuron turşusu ilə eynilik təşkil edən hüceyrə materiallarının tapıldığını və ölümün birbaşa kosmetik prosedurun fəsadı kimi meydana gələn ağciyər emboliyasından qaynaqlandığını açıqlayıb.
Qeyd edək ki, "Instagram"da 185 minə yaxın izləyicisi olan 38 yaşlı fenomen dəbdəbəli həyat tərzi ilə tanınırdı. O, Londonda təşkil edilən dəbdəbəli dəfn mərasimi ilə təxminən 745 min dollar dəyərində olan qızıl örtüklü tabutda torpağa tapşırılıb.
Mənsumə
