Sərnişinlər gecikmək qorxusu ilə hava limanında kütləvi dava saldılar - VİDEO

Barselona hava limanında böyük növbələr səbəbindən dava baş verib.

“Ryanair”in İspaniyadakı uçuşları üçün uzun növbələrin videoları internetdə yayılıb. Hadisə şahidlərinin sözlərinə görə, Barselona hava limanında sərnişinlər təyyarəni buraxmaqdan qorxduqları üçün dava salıblar.
 

Sfera.az bildirir ki, İspaniya hava limanında baqajın qeydiyyatı üçün böyük növbələr davaya səbəb olub. Belə ki, hava limanı təyyarəyə minmək üçün uzun dolama növbələrlə dolu olub və bu növbələr nəzarətdən çıxıb. Jurnalistlərin məlumatına görə, bu, son bir ayda İspaniya hava limanlarında baş verən ikinci xaosdur.
 

İstifadəçi Kimberley “TikTok”da video paylaşaraq, növbələrin baqajın yola düşmədən iki saat əvvəl yoxlanılmasını tələb edən qaydadan qaynaqlandığını bildirib. Onun sözlərinə görə, hətta iki saat əvvəl gəlmək də kifayət deyil, çünki baqajın qeydiyyat məntəqələrində bu vaxta qədər artıq böyük izdiham yaranır.
 

Onun sözlərinə görə, hava limanında növbəyə duran insanlar növbə gözləmədən piştaxtaya çatmağa çalışaraq bir-biri ilə dava etməyə başlayıb.
 

Aviaşirkətin mövqeyi
 

“Ryanair” rəsmi saytında xəbərdarlıq edir ki, baqajın qeydiyyat masaları planlaşdırılan uçuş vaxtından iki saat əvvəl açılır və uçuşa 40 dəqiqə qalmış bağlanır. Aviaşirkət sərnişinlərə ən azı iki saat əvvəl hava limanına gəlməyi tövsiyə edir və qeyd edir ki, əgər sərnişin baqajını qeydiyyatdan keçirməsə, pulu geri qaytarılmadan təyyarəyə minməkdən imtina edilə bilər. Eyni zamanda, şirkət qeyd edir ki, gözləmə vaxtı və təhlükəsizlik yoxlamaları fərqli olduğu üçün hava limanlarının rəsmi saytlarında məlumatlar yoxlanılmalıdır.
 

Jurnalistlər hava limanındakı növbələrlə bağlı əlavə şərh almaq üçün “Ryanair” ilə əlaqə saxlasalar da, hələlik heç bir əlavə cavab verilməyib.

Aynil