Qədim Misirdə min illər boyu divar rəsmlərində, heykəllərdə və zərgərlikdə istifadə edilən xüsusi rəng var idi. Bu rəng indi "Misir mavisi" adlanır.

Sfera.az bildirir ki, mavi və yaşıl piqmentləri olan bu rəng 5000 ildən sonra elm adamları tərəfindən yenidən kəşf edilib. Tədqiqat qrupu Misir mavisini təkrarlaya bilib. Mütəxəssislər Misir mavisi üçün 12 resept olduğunu açıqlayıblar.

Misir mavisi dünyanın ən qədim sintetik boyasıdır.

Eramızdan əvvəl 3100-cü ilə aid olan Qədim Misir rəssamları bu gün “Misir mavisi” adlanan süni piqmentdən karton adlanan ağac, daş və papirusvari material üzərində rəsm çəkmək üçün istifadə etmiş, bu piqmentdən muncuq və amulet kimi bəzək əşyalarında da istifadə etmişlər.

Mavidən boz və hətta yaşıla qədər dəyişən tonları olan bu piqmentin dünyada ən qədim sintetik boya olduğu bilinir.

Vaşinqton Dövlət Universiteti, Smithsonian İnstitutu və Karnegi Təbiət Tarixi Muzeyinin tədqiqatçıları 5000 ildən sonra “Misir mavisi”ni təkrar istehsal ediblər.

Rəngi tapmaq üçün ən azı 8 araşdırma aparılıb.

Rəngi əldə etmək üçün tədqiqatçılar piqmenti müasir mikroskopiya və daha əvvəl belə tədqiqatlarda heç vaxt istifadə edilməmiş analiz üsulları ilə tədqiq ediblər. On iki müxtəlif qarışıq, antik dövrdə istifadə olunan temperaturları təqlid edərək, təxminən 1000 ° C temperaturda bir sobaya yerləşdirilib. Bu qarışıqlara kristal silisium dioksid (kvars), müxtəlif mis mənbələri (məsələn, mis oksidi), təbii mis karbonat mineralları azurit və ya malaxit, kalsium mənbələri və bəzi reseptlərdə natrium karbonat daxildir.

Misir mavisinin başqa bir xüsusiyyəti, infraqırmızı işığın iki dəfə çox geri qaytarılması qabiliyyəti ilə izah edilir. Bu xüsusiyyət sayəsində enerji səmərəliliyi sahəsində istifadə edilə bilər.

Aysel

İtirilmiş Misir mavisi 5000 ildən sonra yenidən kəşf edildi - FOTO