Ərdoğan bəyan etdi: "Yenidən prezident olmayacam"

Türkiyə Prezidenti Rəcəb Tayyib Ərdoğan növbəti prezident seçkilərində iştirak etməyi planlaşdırmadığını bəyan edib.

Sfera.az bu barədə xarici mediaya istinadən xəbər verir.

“Yenidən prezident olmaq kimi bir niyyətim yoxdur. Bizim əsas qayəmiz ölkəmizin nüfuzunu daha da yüksəltməkdir. Türkiyə dəyişir, dünya da dəyişir. Artıq yeni bir dövrə qədəm qoymuşuq. Sizcə, çevriliş dövründə hazırlanan bir konstitusiya ilə bu qədər sürətlə dəyişən dünyada uğur qazanmaq mümkündürmü? Yeni konstitusiya hərbçilərin deyil, mülki vətəndaşların təşəbbüsü ilə formalaşmalıdır”, – deyə prezident vurğulayıb.

Ərdoğan həmçinin qeyd edib ki, Türkiyənin çağdaş tələblərə cavab verən yeni bir konstitusiyaya ehtiyacı var.

Fidan Hacızadə
Sfera.az