İrəvandə mitinq başladı - Paşinyana 1 saat vaxt verildi
İrəvanda minlərlə insan etiraz aksiyasına çıxıb.
Sfera.az bildirir ki, Tavuş rayonundan başlayıb İrəvanda başa çatan mitinq iştirakçıları baş nazir Nikol Paşinyanın istefasını tələb edib. Qərar qəbul etmək üçün Paşinyana bir saat vaxt verilib.
İrəvanın mərkəzindəki meydana minlərlə etirazçı toplaşıb.
“Vətən üçün Tavuş” hərəkatının təşəbbüsü ilə keçirilən yürüş mayın 4-də Qırants kəndindən başlayıb və bu gün iştirakçılar paytaxta çatıb.
Yerli vaxtla saat 18:00-da Respublika meydanında dua və Ermənistan himninin oxunması ilə mitinq başlayıb. Meydanda toplaşan minlərlə insan vəziyyətdən narazılıqlarını ifadə etməyə gəliblər.
“Vətən uğrunda Tavuş” hərəkatının lideri, arxiyepiskop Baqrat Qalstyan mitinqdə çıxış edərək hökuməti, o cümlədən Paşinyanı ölkənin təhlükəsizliyini təmin edə bilməməkdə ittiham edib.
“Teleqram” kanallarının məlumatına görə, artıq 20 mindən çox insan meydana toplaşıb.
Aynil
Sfera.az