İran prezidentini ölümə aparan səfər: Səyahətə niyə helikopterlə çıxıb? - MARAQLI SƏBƏB

İran Prezidenti İbrahim Rəisinin helikopter qəzasında dünyasını dəyişməsindən sonra çoxlu suallar meydana çıxıb. Həmin suallardan biri də İbrahim Rəisinin səfərə niyə helikopterlə çıxması ilə bağlıdır. 

Sfera.az Türkiyəli analitiklərin şərhlərinə istinadən xəbər verir ki, Rəisinin helikopterdən istifadə etməsi ölkənin şimal əyalətlərinə səfər etmək planı ilə əlaqədar olub. 

İranda mövcud olan dövlət ənənəsinə əsasən, prezident hər il bütün ostanlıqlara (əyalətlər) baş çəkir. Ölkədə 31 ostanlıq var və onların üçü (Qərbi Azərbaycan, Şərqi Azərbaycan və Ərdəbil ostanlıqları) şimalda yerləşir. Məlumata görə, Rəisi Şərqi və Qərbi Azərbaycan ostanlıqlarına səfər etməyi planlaşdırırdı. 

İranın şimal hissəsi yüksək dağlıq ərazi olduğundan, eyni zamanda regionda avtomobil yolları uzaq səfərlər üçün əlverişli olmadığından Rəisinin helikopterdən istifadə etməli olduğu bildirilir. 

İranda dövlət başçısının səfərləri üçün bir neçə helikopter ayrılıb. Prezident əyalətlərə, xüsusən də dağlıq regionlara baş çəkən zaman helokopterlə yola çıxır. 

Vasif