“Azərbaycan-Belarus münasibətləri uğurla davam edir” - Deputat 

“Azərbaycan-Belarus münasibətləri uğurla davam edir” - Deputat 

İki ölkə liderinin həyata keçirdiyi uğurlu siyasət nəticəsində bu gün Azərbaycan-Belarus münasibətləri sürətlə inkişaf edir. Bu baxımdan Belarus Respublikasının Prezidenti Aleksandr Lukaşenkonun ölkəmizə son səfəri xüsusi əhəmiyyət daşıyır.

 

Sfera.az xəbər verir ki, bu barədə fikirləri Milli Məclisin deputatı Ceyhun Məmmədov bildirib.

 

“Belarus Respublikasının Prezidenti Aleksandr Lukaşenkonun respublikamıza dövlət səfəri çərçivəsində vacib olan bir sıra məsələlər geniş müzakirə olunub. Qarşılıqlı fəaliyyətin perspektivləri barədə söhbət edilib. Xüsusən də sənaye və kənd təsərrüfatında əməkdaşlığın genişləndirilməsinin zəruriliyi vurğulanıb. Müzakirə olunan məsələlər ölkələrimiz arasında əməkdaşlıq əlaqələrinin dərinləşdirilməsinə töhfə verəcəyi şübhəsizdir”.

 

Deputat qeyd edib ki, Belarus ilə Azərbaycan arasında geniş əməkdaşlıq əlaqələri mövcuddur.

 

“Gələcəkdə iki ölkənin əməkdaşlığının yeni istiqamətlərini görəcəyik. Belə ki, işğaldan azad edilmiş ərazilərimizin bərpasında da Belarus şirkətlərinin, müəssisələrinin fəal iştirakı gözlənilir. Belarus Prezidentinin işğaldan azad edilmiş Füzuliyə və Şuşaya səfəri, bu ərazilərin bərpasında Belarus Respublikasının da iştirak etmək istəyi də bundan xəbər verir. Bu, eyni zamanda, əlqələrimizin inkişafına da mühüm töhfə verəcək addımlardan biridir. Dövlət başçılarının geniş tərkibdə keçirdikləri görüşlərin gedişində hərbi-sənaye kompleksində, kənd təsərrüfatında, nəqliyyatda əlaqələrin inkişafı məsələləri və ümumiyyətlə, ölkələrimizin iqtisadiyyatının inkişafı üçün praktiki əhəmiyyət daşıyacaq bir çox məsələlər geniş şəkildə müzakirə olunub. Belarus Respublikasının Prezidenti Aleksandr Lukaşenkonun respublikamıza dövlət səfəri zamanı imzalanan mühüm sənədlər ikitərəfli münasibətlərin, əməkdaşlıq əlaqələrinin möhkəmlənməsinə təkan verəcək. Hər iki ölkə bu münasibətlərin inkişaf etdirilməsi və daha geniş sahələri əhatə etməsi üçün birlikdə səy göstərəcəklər. Səfərin nəticələri yaxın zamanda münasibətlərimizin inkişafına öz töhfəsini verəcək”.

 

Ülkər Abdurahmanlı


OXŞAR XƏBƏRLƏR

Ramafoza yenidən CAR-nin prezidenti SEÇİLDİ

Matamela Siril Ramafoza yenidən Cənubi Afrika Respublikasının Prezidenti seçilib.   Sfera.az xarici KİV-ə istinadən xəbər verir ki, Milli Assambleyad...

Kamaləddin Qafarov: “ Azərbaycan bu gün qüdrətli bir dövlətə çevrilib”

“Ulu Öndər Heydər Əliyevin adı ilə bağlı olan Milli Qurtuluş Günü Azərbaycan tarixinin ən şanlı qürur səhifələrindən biridir. Dövlət müstəqilliyimizin bər...

Daha bir müəllim vəfat etdi - FOTO

Qaxda müəllim vəfat edib.    Sfera.az xəbər verir ki, məlumata görə, Qax şəhər E. Babayev adına 4 nömrəli tam orta məktəbin müəllimi Nəzakət Mus...

Dağlıq ərazilərə qar yağdı - FAKTİKİ HAVA

Bəzi çaylardan sel keçib, dağlıq ərazilərə qar yağıb.   Bu barədə Sfera.az-a Milli Hidrometeorologiya Xidmətindən məlumat verilib.   Bildi...

Prezident: "Birləşmiş Krallıq ilə münasibətlər bizim üçün xüsusi əhəmiyyət kəsb edir"

Birləşmiş Krallıq ilə münasibətlər bizim üçün xüsusi əhəmiyyət kəsb edir.   Sfera.az-ın məlumatına görə, bu barədə Azərbaycan Respublikasının Prezide...

İlham Əliyev Böyük Britaniya kralını TƏBRİK ETDİ

Azərbaycan Respublikasının Prezidenti İlham Əliyev Böyük Britaniya və Şimali İrlandiyanın Kralı Əlahəzrət III Çarlza təbrik məktubu ünvanlayıb.   Sfe...