Fəzail Ağamalı: Siyasi birliyin milli dövlətçiliyimizdə yeri və rolu

Fəzail Ağamalı: Siyasi birliyin milli dövlətçiliyimizdə yeri və rolu

Siyasi partiyaların ümumrespublika toplantısında çıxışı:

 

Hörmətli Ədalət müəllim, hörmətli toplantı iştirakçıları, xanımlar və cənablar!

 

Ciddi əhəmiyyət kəsb edən və siyasi birliyimizin növbəti təcəssümü olan bu toplantı partiyalar arası və partiyalar - iqtidar əməkdaşlığına geniş prespektivlər açan mühüm hadisə kimi öz rolunu oynayacaqdır.

 

Milli dövlətçiliyin yaranması, formalaşması və güclənməsinin ən vacib şərtlərindən biri milli həmrəylikdir.

 

Ulu öndər Heydər Əliyevin dövlətçilik konsepsiyasında və siyasi irsində milli həmrəylik xüsusi yer tutur. Ən çətin anlarda belə xalqımızın iradəsinə söykənən, həlli çətin olan problemlərin aradan qaldırılması üçün xalqımızla birlikdə ciddi addımlar atan Ulu öndər bunun nümunəsini Cənubda Əlikram Hümbətovun rəhbərlik etdiyi separatizmin və Surət Hüseynovun dövlət çevrilişi cəhdinin aradan qaldırılmasilə yaratdı və tarixə həkk etdirdi.

 

Milli həmrəyliyin dönməz xarakter daşımasında ölkəmizdə fəaliyyət göstərən siyasi partiyaların dövlətçilik və milli maraqlar ətrafında sıx birliyi əhəmiyyətli rol oynayır.

 

Təəssüflə qeyd etmək istərdim ki, son illər istisna olunmaqla müstəqillik əldə etdiyimizdən keçən zaman kəsiyində ölkəmizdə fəaliyyət göstərən siyasi partiyalar arasında bu vacib format radikal meyilli partiyalar tərəfindən bloklanmışdı.

 

Əslində bu cür vəziyyət bütün siyasi partiyalar arasında normal münasibətlərin yaranmasına, milli maraqlara söykənən iqtidar-müxalifət dialoqunun ardıcıl və davamlı xarakter daşımasına ciddi şəkildə maneələr törətmişdir.

 

Cəmiyyətimizi parçalamaq, onun immunitetini zəiflətmək kimi milli və dövlətçilik maraqlarımıza zidd olan bu tendensiya, heç şübhəsiz ki, anti-Azərbaycan qüvvələrinin maraqlarına xidmət etmək mahiyyəti daşımışdır.

 

Bütün bu və buna bənzər təhlükəli amilləri aradan qaldırmaq, həm partiyalar, həm də partiyalarla iqtidar arasında dövlətçiliyimizə və milli maraqlarımıza xidmət edən sağlam münasibətlərin yaranması məqsədilə ölkə prezidenti, cənab İlham Əliyev 2018-ci ildə respublikada siyasi islahatların daha geniş və sistemli xarakter daşımasını həyata keçirmək məqsədilə ciddi addımlar atdı. Bu islahatlarda xüsusi yer tutan yeni siyasi konfiqurasiyanın təməlini qoymaq və onu formalaşdırmaq, siyasi partiyaların fəaliyyəti üçün geniş imkanlar yaratmaq, iqtidar-müxalifət dialoqunu və əməkdaşlığını sivil, qanunvericilik zəminində qurmaq kimi vəzifələr ehtiva olunurdu.

 

Prezident Administrasiyasında siyasi partiyalar və qanunvericilik hakimiyyətlə əlaqələr şöbəsinin yaradılması və qısa zaman kəsiyində şöbədə formalaşan peşəkar komanda bütün siyasi partiyaların rəhbərlərilə keçirdiyi görüşlər, apardığı müzakirələr öz müsbət nəticələrini verməyə başladı və uzun illər boyu bir-birinə az qala düşmən münasibəti bəsləyən partiyalar şöbənin gərgin əməyi ilə milli maraqlar ətrafında birləşərək yeni tarixi mərhələyə qədəm qoydu, bütün partiyalar üçün bərabər imkanların yaradılması diskussiyalar və siyasi partiyaların canlanması üçün geniş imkanlar yaratdı. Bu baxımdan “Siyasi partiyalar haqqında” qəbul edilən yeni qanunun rolunu xüsusi olaraq qeyd etmək istərdim.

 

Etiraf etmək lazımdır ki, ölkə prezidenti, cənab İlham Əliyevin yeni siyasi konfiqurasiyası konsepsiyasının reallaşmasında prezident Adminstrasiyasının şöbə müdiri Ədalət Vəliyevin və şöbənin peşəkar komandasının xidmətləri danılmazdır.

 

Necə deyərlər, bir neçə ildə 2018-2020-ci illərdə səpilən toxumlar cücərdi və öz bəhrəsini verdi. 44 günlük Vətən müharibəsində və 2023-cü ilə qədər ərazi bütövlüyümüzü, suverenliyimizi təmin edən bütün hərbi əməliyyatlarda və informasiya mübarizəsində marginallaşmış və anti-milli mövqe tutan Azərbaycan Xalq Cəbhəsi partiyası istisna olunmaqla ölkədə fəaliyyət göstərən bütün siyasi partiyalar dövlətimizlə, Müzəffər Ali Baş Komandan İlham Əliyevlə, qəhrəman Silahlı Qüvvələrimizlə və bütün xalqımızla bərabər oldu. Ölkə prezidenti cənab İlham Əliyevin müdrik siyasi xəttinin və gərgin əməyinin nəticəsi olan siyasi birliyimiz erməni faşizm üzərində qələbəyə, ərazi bütövlüyümüzün və suverenliyimizin təmin edilməsinə öz töhfəsini verdi.

 

Bundan sonrada siyasi birliyimizi qoruyub saxlanılmalı və bu birliklə Azərbaycanımızın güclənməsinə və tarixi torpaqlarımıza sahib çıxmaq kimi şərəfli xidmətimizi davam etdirməliyik.

 

Təklif edərdim ki, yaxın zamanlarda belə bir toplantını Xankəndidə keçirək. Məncə bunun rezonansı və faydası böyük olardı.

 

Fəzail Ağamalı

Milli Məclisin deputatı


OXŞAR XƏBƏRLƏR

Türkiyə səfiri: "Münasibətlərimizi sarsılmaz etmək, əbədi yaşatmaq birinci vəzifəmizdir"

Bu gün Türkiyə və Azərbaycan arasında ürəklərimizə hopmuş “Bir dövlət, iki millət” anlayışını müttəfiqlik səviyyəsinə yüksəldən Şuşa Bəyannaməsinin ...

Ermənistanda etirazçıların kütləvi həbsinə BAŞLANILDI

Səhər saatlarında Ermənistanın müxtəlif şəhərlərində kütləvi həbs dalğası başlayıb.   Sfera.az “Sputnik Armeniya”ya istinadən xəbər verir...

Xocalıda aşkarlanmış zenit-raket kompleksi Bakıda “Hərbi Qənimətlər Parkı”nda YERLƏŞDİRİLDİ

Xocalı rayonu ərazisində aşkar olunan "2K11 Kruq" zenit-raket kompleksinin tərkibinə daxil olan "1S32" raket tuşlama stansiyası, iki ədəd &q...

Azərbaycan neftinin qiyməti 84 dolları ÖTDÜ

Dünya bazarlarında "Azeri Light" (CIF) markalı Azərbaycan nefti bahalaşmaqda davam edib.   Sfera.az xəbər verir ki, Azərbaycan neftinin 1 b...

Məşhur aktyor "Instagram" hesabını sildi - SƏBƏB - FOTO

Türkiyəli aktyor Can Yaman "Instagram" hesabını silib.   Sfera.az publika.az-a istinadən xəbər verir ki, aktyorun 11 milyon izləyicisi olan...

Ramafoza yenidən CAR-nin prezidenti SEÇİLDİ

Matamela Siril Ramafoza yenidən Cənubi Afrika Respublikasının Prezidenti seçilib.   Sfera.az xarici KİV-ə istinadən xəbər verir ki, Milli Assambleyad...