Belçikada 3 rəsmi dil olmasının əsl səbəbi nədir?
Əgər Belçikada olmusunuzsa, diqqətinizi çəkən ilk detallardan biri hər bölgədə üç fərqli dildə danışılmasıdır.
Bəs sizcə bunun səbəbi nədir? Belçikada niyə 3 fərqli dildə danışılır?
Sfera.az bu barədə maraqlı məlumatları sizə təqdim edir.
Avropanın german və romans dilli bölgələri arasında sərhəddə yerləşən Belçika tarixən bu yeri həm üstünlük, həm də problem kimi yaşayıb. Ölkədə danışılan üç rəsmi dil - holland (flamand), fransız və alman dilləri həm tarixi, həm də coğrafi irsi təmsil edir. Bəs niyə bu üç dil?
Əvvəla, Belçikanın şimal hissəsində yaşayan flamandlar holland dilində danışırlar. Bu dil qonşu Hollandiyadakı holland dilinə əsasən oxşardır. Əhalinin təxminən 60%-ni təşkil edən Flamand icması Belçikada mədəni və iqtisadi cəhətdən ən güclü qruplardan biridir.
Cənubda fransız dilli valonlar yaşayır. Əhalinin 40%-ni təşkil edən bu icma xüsusilə Valloniya bölgəsində və Brüsseldə cəmləşib. Fransadakı standart fransız dilindən kiçik fərqlərə malik olsa da, fransız dili Belçikanın mədəni müxtəlifliyində böyük rol oynayır.
Belçikanın üçüncü dili alman dilidir. Şərq sərhədində, xüsusən də Liege əyalətində yaşayan kiçik bir icma tərəfindən danışılan alman dili ölkənin rəsmi dilləri arasındadır.
Ancaq bu dil Birinci Dünya Müharibəsindən sonra Almaniyadan alınan torpaqlardan Belçikaya qoşulan bölgə xalqına əsaslanır. Bu səbəbdən almanca danışanların sayı çox azdır, əhalinin cəmi 1%-ni təşkil edir.
Brüssel bu çoxdilli strukturun mərkəzindədir. Şəhərdə üç dildə danışılır və bu, hər sahədə hiss olunur. Məsələn, metro stansiyalarında belə üç dildə elanlar verilir.
Bundan əlavə, Belçikadakı təhsil sistemi də bu dil müxtəlifliyini dəstəkləyir. Uşaqlar kiçik yaşlarından müxtəlif dilləri öyrənirlər və 14 yaşına qədər dörd dildə danışa bilirlər.
Belçikanın linqvistik mozaikası onun tarixi və coğrafi sərhədlərinin əksidir. Birgə yaşayan müxtəlif mədəniyyətlərin yaratdığı bu struktur ölkənin həm gücünü, həm də müxtəlifliyini təmsil edir. Əgər bir gün Belçikaya səfər etsəniz, əminik ki, bu müxtəliflik sizi heyran edəcək.
Aynil
