Bu gün “Turizm haqqında” Qanuna edilən dəyişikliklər Milli Məclisin Əmək və sosial siyasət komitəsinin iclasında ikinci oxunuşda müzakirə edilərək plenar iclasa tövsiyə olunub. 

Sfera.az bildirir ki, bunu deputat Vüqar Bayramov deyib.

Onun sözlərinə görə, yeni dəyişikliklərə əsasən, turizm və rekreasiya zonalarında iri sənaye müəssisələrinin fəaliyyəti qadağan ediləcək:

“Bununla da, həmin zonalarda kimya sənayesi, metallurgiya, nüvə energetikası, məişət tuallantılarının zərərsizləşdirilməsi və emal müəssisələrinin fəaliyyəti qadağan olunacaq. Nazirlər Kabinetinin 2016-cı il 1 avqust tarixli qərarı ilə “Xızı-Xaçmaz”, “Quba” və “Qusar” Turizm və rekreasiya zonasının sərhədləri təsdiq edilib. İşğaldan azad olunan Kəlbəcərin yüksək turizm resurslarından səmərəli istifadəsi məqsədilə “Kəlbəcər Turizm İnkişaf Konsepsiya” sənədi hazırlanıb. Kəlbəcər rayonunda 5 Turizm və rekreasiya zonasının yaradılması təklif olunur. Bu o deməkdir ki, yaxın zamanlarda Qarabağ və Şərqi Zəngəzurun turizm potensialından sıx şəkildə istifadə olunacaq”.

Millət vəkili vurğulayıb ki, son dəyişikliklər ətraf mühitin qorunması və sağlamlıq turizminin inkişafı baxımdan vacib hesab olunur. 

Günay