İdman

"Fluminense"də çıxış edən Marselo "Argentinos Juniors"la oyunda rəqib oyunçu Lusiano Sançes ayağını sındırıb. Sfera.az xəbər verir ki, braziliyalı müdafiəçi qırmızı vərəqə ilə cəzalandırılıb. Marselo baş verənlərdən sonra göz yaşlarını tuta bilməyib. Dəhşətli görüntüləri təqdim edirik: QEYD: Ürəyi zəif olanların videoya baxması tövsiyə olunmur. (Offsideplus.az)

“Yaxşı nəticə üçün çox əziyyət çəkməli olacağıq. Bu komandaya qarşı bir an belə oyundan qopmaq olmaz”. Sfera.az xəbər verir ki, bu sözləri UEFA Çempionlar Liqasının II təsnifat mərhələsində Polşanın “Rakuv” klubuna qarşı keçirəcəkləri cavab oyunu öncəsi mətbuat konfransında “Qarabağ”ın baş məşqçisi Qurban Qurbanov deyib. O, fikrini belə davam etdirib: “Vacib oyuna çıxacağıq. Çox intizamlı komandaya qarşı oynayırıq. Üstünlük bir qədər rəqib tərəfdədir. Amma pis hazırlaşmamışıq. İlk görüşdə

Azərbaycan para-üzgüçüsü Raman Saley İngiltərənin Mançester şəhərində keçirilən dünya çempionatında finala yüksəlib. Sfera.az xəbər verir ki, üçqat paralimpiya çempionu 100 metr məsafəyə batterflay üsulu ilə üzməkdə 58,72 saniyə nəticə göstərib. Final yarışı bu gün Bakı vaxtı ilə saat 22:25-də başlayacaq. Xatırladaq ki, R.Saley ötən gün 100 metr məsafəyə arxası üstündə üzməkdə 1:00.83 nəticə ilə gümüş medal qazanıb və Paris-2024 Yay Paralimpiya Oyunlarına lisenziya əldə edib.

Uzun müddət müxtəlif yaş qrupları üzrə Azərbaycan milli komandalarının baş məşqçisi işləmiş Şamil Əlimzanov vəfat edib. Sfera.az xəbər verir ki, o, 77 yaşında dünyasını dəyişib. SSRİ idman ustası, Azərbaycanın Əməkdar məşqçisi, Fəxri Bədən Tərbiyəsi və İdman İşçisi, Əməkdar Bədən Tərbiyəsi və İdman Xadimi bu gün Suraxanıda Tatar qəbiristanlığında dəfn olunacaq.

Beynəlxalq Şahmat Federasiyası (FIDE) iyul ayı üçün reytinq cədvəlini açıqlayıb. Sfera.az xəbər verir ki, Azərbaycan şahmatçısı Şəhriyar Məmmədyarov (2 747 xal) ötən ayla müqayisədə 1 pillə irəliləyərək, 13-cü sırada qərarlaşıb. Maraqlıdır ki, ölkənin digər tanınmış qrossmeysteri Teymur Rəcəbov ümumiyyətlə reytinqdə yer almayıb. Onun hansı səbəbdən siyahıdan çıxarılması bəlli deyil.

Çempionlar Liqasının 2-ci təsnifat mərhələsində “Qarabağ”ın rəqibi olan “Rakov” Bakıya gəlib. Sfera.az Polşa klubunun mətbuat xidmətinə istinadən xəbər verir ki, komanda bir qədər əvvəl paytaxtımıza çatıb. Xatırladaq ki, “Qarabağ” - “Rakov” təkrar matçı avqustun 2-də keçiriləcək. Oyun Bakı Olimpiya Stadionunda keçiriləcək və saat 20:00-da başlanacaq. Komandalar arasında Polşada keçirilən ilk görüş "Rakov"un 3:2 hesablı qələbəsi ilə başa çatıb.

AFFA-ya yeni mətbuat katibi təyin olunub. Milli assosiasiyadan Sfera.az-a verilən məlumata görə, bu vəzifədə Elnur Məmmədli çalışacaq. Tanınmış telejurnalist bundan əvvəl “Futbol+”, "ANS", "AzTV" və “CBC Sport”da fəaliyyət göstərib. Eyni zamanda Azərbaycan Boks Federasiyasında mətbuat katibi vəzifəsində işləyib. Qeyd edək ki, Elnur Məmmədli bu vəzifədə "Səbail"ə keçən Firuz Abdullanı əvəzləyib.

"Qarabağ”ın Polşanın "Rakuv” klubuna qarşı keçirəcəyi UEFA Çempionlar Liqasının II təsnifat mərhələsinin cavab oyununa indiyədək satılmış biletlərin sayı bəlli olub. Ağdam təmsilçisindən verilən məlumata görə, qarşılaşma üçün 22 min bilet satılıb. Bakı Olimpiya Stadionunda təşkil olunacaq matçın biletlərinin qiyməti müvafiq olaraq 5, 20, 30 və 75 manatdır. Qeyd edək ki, iyulun 2-də oynanılacaq görüş saat 20:00-da start götürəcək. "Atlılar” Polşadakı ilk oyunda məğlub olublar - 2:3.

Futbol üzrə Portuqaliya milli komandasının və Səudiyyə Ərəbistanının Əl-Nəsr klubunun hücumçusu Kriştiano Ronaldo “Instagram”da ən çox pul qazanan bloqer olub. KONKRET.az xəbər verir ki, Britaniyanın “The Sun” qəzetindəki mənbənin məlumatına görə, Ronaldonun səhifəsində bir reklam yazısı iki milyon avrodan çox qiymətə başa gəlir. Belə ki, 38 yaşlı portuqaliyalı öz səhifəsində reklam nəşri yerləşdirdiyinə görə təxminən 1,7 milyon avro alan amerikalı model Kayli Cenneri qabaqlayıb. Üçüncü yeri

PSJ Arnau Tenası transfer edib. Sfera.az xəbər verir ki, 22 yaşlı qolkiper “Barselona”dan pulsuz transferlə Paris komandasına keçib. Tenasın PSJ ilə müqaviləsi 2026-cı ilə qədər qüvvədədir. Qeyd edək ki, Tenas “Barsa”nın məzunudur. 2023-cü ilin yayında qapıçı İspaniyanın U-21 komandası ilə gənclər arasında AVRO-2023-ün finalına yüksəlib.

26 iyul – 3 avqust tarixlərində Rumıniyanın paytaxtı Buxarestdə keçirilən yaşı 20 və 23-ə qədər olan gənclər arasında ağır atletika üzrə Avropa birinciliyi davam edir. Azərbaycan Ağır Atletika Federasiyasından (AAAF) verilən məlumata görə, yarışda 34 ölkədən 394 atlet (187 qadın və 207 kişi) iştirak edir. Medallar uğrunda mübarizəyə Azərbaycan yığma komandasının üzvləri də qoşulurlar. Bu gün onlardan Füqan Əliyev körpücük üzərinə çıxıb. O, yaşı 23-ə qədər olan atletlər arasında 81 kq çəki

Bu yay "Qarabağ"dan Filip Ozobiç və Qara Qarayevi heyətinə qatan "Neftçi" daha bir futbolçu üçün ağdamlılara üz tutub. Söhbət "Köhlən atlar"ın sol cinah müdafiəçisi Toral Bayramovdan gedir. Amma 22 yaşlı futbolçu keçidə isti yanaşmayıb. Buna əsas səbəb isə Bayramovun "Xəzər Lənkəran" yetirməsi olmasıdır. İstedadlı futbolçu cənub təmsilçisinin əzəli rəqibində çıxış etməyi doğru hesab etməyib. Daha çox maaş və daha çox meydanda olmaq təklifi də onun qərarına təsir etməyib. Amma "Neftçi"

Qadın sablyaçılarımız İtaliyanın Milan şəhərində keçirilən qılıncoynatma üzrə dünya çempionatında komanda yarışında beşinci olub. Sfera.az xəbər verir ki, Anna Başta, Səbinə Kərimova, Valeriya Bolşakova və Palina Kaspiaroviçdan ibarət kollektiv yarımfinala yüksəlmək uğrunda keçirilən görüşdə Koreya Respublikası millisinə 43:45 hesabı ilə uduzub. Komandamız beş-səkkizinci yerlər uğurunda keçirilən görüşlərdə Yunanıstan yığmasına (45:42) və Yaponiya seçmə kollektivinə (45:44) qalib gələrək,

“Qarabağ” Bakı Olimpiya Stadionu (BOS) ilə tezliklə vidalaşacaq. Azərbaycan çempionu avqustun 3-dən – “Rakuv”la Çempionlar Liqasının II təsnifat mərhələsinin cavab qarşılaşmasından sonra BOS-u tərk edəcək. Bu haqda Ağdam klubundan redaksiyamıza məlumat verilib. Bildirilib ki, komanda avrokuboklarda növbəti ev oyununu Tofiq Bəhramov adına Respublika stadionunda keçirəcək. Mərkəzi arena avqustun ikinci yarısınadək öz qapılarını azarkeşlərin üzünə açacaq. Bir neçə ay öncə təmirə bağlanan idman

Azərbaycanın MMA döyüşçüsü Tofiq Musayev növbəti qələbəsini qazanıb. Sfera.az xəbər verir ki, o, “Super Rizin 2” turnirində uğurlu çıxış edib. 71 kiloqram çəki dərəcəsində çıxış edən idmançımız Yaponiyadakı “Saitama Super Arena”da baş tutan döyüşdə yerli Akira Okada ilə qarşılaşıb. O, ikinci raundda rəqibini nokaut edib. Bu, T.Musayevin ümumilikdə 21-ci, nokautla 17-ci qələbəsi olub. Bu gün, həmçinin, 66 kiloqramdakı Vüqar Kərəmov digər yapon döyüşçü Mikuru Asakura ilə görüşəcək. Oxu.az

Zədə səbəbindən ABŞ turunu tərk edib, Madridə dönən Arda Gülər uzun müddətə sıradan çıxıb. Offsideplus.az xəbər verir ki, 18 yaşlı yarımmüdafiəçinin 3 ay yaşıl meydanlardan uzaq qalması gözlənilir. Bu barədə "Marca" nəşri məlumat yayıb. Zədə daha ciddi olarsa, bu müddət 5 aya qədər uzana bilər.

Andre Bava Şinyaşiki karyerasını Azərbaycanda davam etdirəcək. ABŞ Böyük Futbol Liqasında (MLS) təmsil olunan “Şarlott”da forma geyinmiş braziliyalı hücumçu “Neftçi”nin dəvətinə “hə” deyib. O, artıq Bakıdadır və sabah tibbi baxışdan keçəcək. “Ağ-qaralar” yeni legionerlər 2 illik müqaviləni rəsmiləşdirəcək. Braziliyalı hər sezona görə “Neftçi”dən 300 min dollar civarında pul alacaq. 26 yaşlı forvard Braziliyanın San-Paulu şəhərində anadan olub. Şinyaşikinin valideyinlərindən biri yapondur. Onun

“Qarabağ”ın zədəli futbolçusu Marko Veşoviçin son durumu müəyyənləşib. Sfera.az xəbər verir ki, tibbi müayinədən keçən 32 yaşlı müdafiəçinin ən azı 4 həftə yaşıl meydanlardan kənarda qalacağı dəqiqləşib. Həkimlərin tövsiyəsinə əsasən, Veşoviç avqustda keçiriləcək oyunlarda iştirak etməməlidir. Monteneqrolu oyunçu Azərbaycan Premyer Liqasında qarşıdakı 4, “Rakov”la matçlar da daxil olmaqla, avqust ayında avrokuboklardakı 5 matçı buraxmalı olacaq. “Qarabağ”ın “Rakov”la oyunda zədələnən

Bakının “Neftçi” futbol klubu ABŞ-də Böyük Futbol Liqasında (MLS) təmsil olunan “Şarlott” klubunda çıxış edən braziliyalı hücumçu Andre Bava Şinyaşiki heyətinə qatmağa hazırlaşır. Sfera.az oxu.az-a istinadən xəbər verir ki, Braziliyadan əlavə Yaponiyanın pasportuna sahib olan Şinyaşiki artıq “ağ-qaralar”ın düşərgəsinə qoşulmaq üçün ilkin razılığını verib. Qeyd edək ki, 26 yaşlı hücumçu Braziliyanın San-Paulu şəhərində anadan olub. Şinyaşikinin valideyinlərindən biri yapondur. O, 18 yaşında

“Qarabağ”ın Çempionlar Liqasınn 2-ci təsnifat mərhələsində “Rakov”la cavab oyunu üçün artıq 15.500 bilet satılıb. Sfera.az xəbər verir ki, bu haqda klubun mətbuat xidməti məlumat yayıb. Avqustun 2-də saat 20:00-da Bakı Olimpiya Stadionunda keçiriləcək matçın biletlərinin qiyməti müvafiq olaraq 5, 20, 30 və 75 manat təşkil edir. Satış məntəqələri: İticket.az-ın satış məntəqələri (iticket.az-da onlayn satış); Park Bulvardakı “Qarabağ” FK-nın Fan-Şopu.

Azərbaycan Çinin Çendu şəhərində keçirilən XXXI Yay Universiadasında ilk medalını qazanıb. Sfera.az-ın məlumatına görə, 48 kq-da mübarizə aparan cüdoçu Leyla Əliyeva bürünc mükafata sahib çıxıb. Qeyd edək ki, Universiadada Azərbaycanı 20 ali təhsil müəssisəsindən 18-27 yaş aralığında 87 atlet 16 idman növündə təmsil edir. Avqustun 8-dək davam edəcək yarışda 113 ölkədən 6 500 tələbə idmanın 18 növü üzrə 269 medal dəsti uğrunda mübarizə aparacaq. Yarışların təşkili üçün 49 arena ayrılıb.

UEFA Çempionlar Liqasının ikinci təsnifat mərhələsinin ilk oyunları çərçivəsində səfərdə Polşa "Rakuv"una 2:3 hesabıyla uduzan "Qarabağ" qapı mövqeyi ilə bağlı hərəkətə keçib. Ağdam təmsilçisinin əsas "çərçivə qoruyucusu" Şahruddin Məhəmmədəliyevin sözügedən görüşdə buraxdığı kobud səhvlər və ardından edilən kəskin tənqidlər son ölkə çempionunu bu addımı atmağa vadar edib. Sfera.az-ın məlumatına görə, "Qarabağ" İngiltərənin "Haddersfild" klubunun qapıçısı Li Niçollzla maraqlanır. "Atlılar"

Avstriyanın "Zalsburq" klubunun rəsmi saytı baş məşqçi Matias Yaisslenin istefaya göndərildiyini açıqlayıb. Sfera.az xarici mediaya istinadla bildirir ki, rəhbərlik alman mütəxəssisin Səudiyyə Ərəbistanının "Əl-Əhli" klubu ilə danışıqlar apardığı üçün onu istefaya göndərmək qərarına gəlib. "Biz inanırıq ki, belə mühüm mövsümün başlamasına cəmi iki gün qalmış yeni bir iş axtarmaqla məşğul olan baş məşqçi, iş başlayanda bu vəzifədə olmamalıdır", - “Salzburq”un baş direktoru Stefan Rayter

Bizi ağır matç gözlədiyini bilirdik. Cavab görüşündə daha yaxşısını etməyə çalışacağıq. Sfera.az xəbər verir ki, bunu "Qəbələ"nin baş məşqçisi Elmar Baxşıyev evdə Kipr "Omoniya"sına 2:3 hesabı ilə uduzduqları UEFA Konfrans Liqasının II təsnifat mərhələsinin ilk oyunundan sonra mətbuat konfransında deyib. Baxşıyev oyun keyfiyyətini bəyəndiyini bildirib: "Bu matçı analiz edib qarşıdakı görüşə hazırlaşacağıq. Qapıçını dəyişmək fikrimiz yoxdur. Ona inanırıq. Roman Bezusun da keyfiyyətli futbolçu