Futbol üzrə Portuqaliya milli komandasının və Səudiyyə Ərəbistanının Əl-Nəsr klubunun hücumçusu Kriştiano Ronaldo “Instagram”da ən çox pul qazanan bloqer olub.

KONKRET.az xəbər verir ki, Britaniyanın “The Sun” qəzetindəki mənbənin məlumatına görə, Ronaldonun səhifəsində bir reklam yazısı iki milyon avrodan çox qiymətə başa gəlir. Belə ki, 38 yaşlı portuqaliyalı öz səhifəsində reklam nəşri yerləşdirdiyinə görə təxminən 1,7 milyon avro alan amerikalı model Kayli Cenneri qabaqlayıb.

 

Üçüncü yeri argentinalı Lionel Messi tutur. Dünya çempionu bir reklam postu üçün 1,6 milyon avro istəyir.

Qeyd olunur ki, Ronaldo sosial şəbəkələrdə idman, sağlamlıq və kriptovalyuta brendlərini tanıtmaqla pul qazanır. Portuqaliyalı ulduz həm də 597 milyonla dünyada ən çox izləyiciyə sahibdir.

Ronaldo 2023-cü ildən Səudiyyə Ərəbistanının “Əl-Nasr” klubunda çıxış edir. Hücumçunun klubla müqaviləsi 2025-ci ilə qədərdir. Səudiyyə Ərəbistanı çempionatı çərçivəsində portuqaliyalı 16 matçda iştirak edib, 14 qol vurub və 2 məhsuldar ötürmə edib.