Ərdoğan İslam dünyasını həmrəy olmağa çağırdı
“İsrailin son dövrlər İrana qarşı həyata keçirdiyi hücumlar təsadüfi deyil və bu hücumlar İranın nüvə proqramı ilə bağlı danışıqların intensivləşdiyi dövrə təsadüf edir”.
Sfera.az xarici mediaya istinadən xəbər verir ki, bu sözləri İstanbulda keçirilən İslam Əməkdaşlıq Təşkilatının (İƏT) 51-ci sessiyasında çıxış edən Türkiyə Prezidenti Rəcəb Tayyib Ərdoğan bildirib.
“İsrailin Qəzza zolağında, Livanda, Yəməndə, Suriyada və son zamanlar İranda həyata keçirdiyi hücumlar banditizm kimi qiymətləndirilir. Təbii ki, hücumların İranın nüvə proqramı ilə bağlı danışıqların intensivləşdiyi bir vaxtda baş verməsi təsadüfi deyil”, – deyə Ərdoğan qeyd edib.
Prezident eyni zamanda İslam dünyasını həmrəyliyə çağıraraq, İsrailin Suriya, Livan və İran siyasətlərinə qarşı ortaq mövqe nümayiş etdirməyə səsləyib:
“Biz İslam dünyasının daha böyük rol oynayacağı bir dövr ərəfəsindəyik. Amma əvvəlcə öz daxili fikir ayrılıqlarımızı həll etməliyik”.
Fidan Hacızadə
Sfera.az
