Hörmüz boğazında hərəkət iflic həddinə çatıb
Kateqoriya məlum deyil
T
Cümə günü, avqustun 14-də Hörmüz boğazından cəmi 3 gəmi keçib. Bu, avqust ayında gün ərzində orta hesabla 12 gəmi göstəricisindən aşağıdır.
Sfera.az xəbər verir ki, bu barədə “Reuters” real vaxt gəmiçilik monitorinqi platforması olan “Kpler” şirkətinin apardığı təhlilə istinadən məlumat yayıb.
“Kpler”in məlumatına görə, cümə günü boğazda İranın ərazi sularına daxil olan taxıl daşıyan quru yük gəmisi və əks istiqamətdə hərəkət edən yüksüz gəmi qeydə alınıb. Bundan əlavə, mayeləşdirilmiş neft məhsullarının daşınması üçün nəzərdə tutulan daha bir yüksüz tanker boğazdan keçərək Fars körfəzinə doğru hərəkət edib. Avqustun 14-də bu dəniz marşrutu ilə xam neft daşınması qeydə alınmayıb.
