“Rusiyaya hərbi dəstəyi dayandırın”: ABŞ-dən Şimali Koreyaya çağırış
ABŞ Dövlət Departamenti, Şimali Koreyanın Rusiyaya verdiyi hərbi dəstəyə və Moskvadan bu yardımlara qarşılıq olaraq göstərilən dəstəyə son qoyulması çağırışını edib.
Sfera.az xarici mediaya istinadən xəbər verir ki, Departamentin sözçü müavini Tommi Pigott gündəlik mətbuat brifinqində bildirib ki, Vaşinqton, Şimali Koreyanın Ukraynadakı müharibəyə birbaşa müdaxiləsi, Rusiyaya hərbi birliklər göndərməsi və Rusiyanın Pxenyana göstərdiyi yardım səbəbindən ciddi narahatdır.
“Şimali Koreyanın bu müharibəyə müdaxiləsi və Rusiyaya göstərdiyi dəstək bizi narahat edir. Eyni zamanda, Rusiyanın Şimali Koreyaya verdiyi istənilən yardımın da dayandırılması vacibdir”, – deyə Pigott qeyd edib.
O əlavə edib ki, daha əvvəl də Rusiya-Ukrayna müharibəsinə dəstək verən üçüncü ölkələrin bu münaqişədə məsuliyyət daşıdığını dəfələrlə vurğulayıblar.
görə, Şimali Koreya lideri Kim Çen In 4 iyun tarixində Rusiya Təhlükəsizlik Şurasının katibi Sergey Şoyqunu qəbul edib. Görüş zamanı tərəflər beynəlxalq məsələlərlə yanaşı, ikitərəfli əməkdaşlığı da müzakirə ediblər.
Görüşdən sonra Kim Çen In bildirib ki, Ukrayna müharibəsi daxil olmaqla, bütün mühüm beynəlxalq siyasi məsələlərdə Rusiyanı qeyd-şərtsiz dəstəkləyəcək.
Bəsti Rəfizadə
Sfera.az
