Əməliyyat zamanı ürəyi 45 dəqiqə dayandı: Gördüklərindən şoka düşdü
Mayk Makkinsi 2004-cü ildə keçirdiyi əməliyyat zamanı ürəyinin 45 dəqiqə dayanmasından sonra yaşadıqlarını bölüşüb. İsanı qarşısındakı əməliyyat masasında fiziki olaraq necə gördüyünü izah edən Makkinsi, bu anın onun üçün reallıqdan kənarolduğunu bildirib.
Sfera.az bildirir ki, ABŞ-ın Kaliforniya əyalətində yaşayan Makkinsi yaşadığı təcrübənin həyatını kökündən dəyişdiyini açıqlayıb.
O Ventura şəhərindəki xəstəxanaya müraciət edib və üç gün davam edən mədə narahatlığının əslində appendisitin partlamasını yarandığını öyrəndikdən sonra təcili əməliyyata alınıb. Lakin əməliyyat zamanı ürəyi dayanıb və tibbi olaraq 45 dəqiqə sağ qalmadığı bildirilib.
"Əməliyyata hazırlaşırdılar. Mənə sistem qoşdular və dəhlizdən əməliyyat otağına apardılar. Həyat yoldaşımla sağollaşdım. Qapılar açıldı, içəri girdik. Fikirləşdim ki, bura niyə belə soyuqdur?"
Əməliyyat masasına aparılarkən fiziki narahatlıq hiss etməyə davam etdiyini izah edən Makkinsi, daha sonra yaşadığı fövqəladə hadisəni bu sözlərlə izah edib:
"Sağıma çevrildim və qəfildən İsa Məsih qarşımda göründü. O, fiziki olaraq, açıq-aydın orada idi. O an otaqda başqa heç kim yox idi. Nə baş verdiyini başa düşə bilmədim. Öz-özümə "Ölmüşəm?" - deyə düşündüm.
Ancaq İsa Məsih olduğunu düşündüyü şəxsin görünüşü uşaqlıqda öyrəndiklərindən fərqli idi.
"Onun dəri rəngi uşaq vaxtı kitablarda gördüyümdən qat-qat tünd idi. O, ərəbə bənzəyirdi. Ağ xalat geyinmişdi, dalğalı qəhvəyi saçları və tünd yaşımtıl-mavi gözləri var idi. Baxışlarımız toqquşanda onun fikrimi oxuduğunu hiss etdim. Ondan qaynaqlanan sevgi hissi təsvirolunmaz idi".
Aynil
