Görünüşünə görə ələ salınan kişi cavanlaşmaqla hər kəsi şoka saldı - FOTO

Müdirinin acı sözlərindən və sevgilisi ilə ayrılıqdan sonra yapon Aki özünü depressiyanın astanasında tapıb. Ancaq təslim olmaq əvəzinə, 10 il sonra onu məşhur edən fiziki və daxili transformasiya yoluna başlayıb.

Sfera.az bildirir ki, Akinin hekayəsi ağrı ilə başlayan və inanılmaz uğura aparan çevrilmənin ilhamverici xronikasıdır. On il əvvəl bu gənc yapon ardıcıl iki zərbə aldı: iş yerindəki müdiri istehza ilə yaşından daha qoca göründüyünü və keçəlləşdiyini deyib onu ələ salıb, az sonra sevgilisi onu tərk edib. Depressiyaya düşən Aki özünü ciddi bir vəziyyətə saldı, lakin ruhdan düşmək əvəzinə xarici görünüşünü və həyat tərzini kökündən dəyişdirməyi qarşısına məqsəd qoydu.
 

O vaxtdan bəri o, həyatını qocalma əleyhinə nizam-intizamla məşğul olmağa həsr edib. Onun gündəlik rejimi, demək olar ki, hərbçiliyə bənzəyir: gündəlik məşqlər, hava şəraitindən asılı olmayaraq günəşdən qoruyucu vasitələrdən məcburi istifadə, ciddi yuxu rejimi, müntəzəm mədə müayinəsi (Yaponiyada bu, vacib profilaktik qayğı hesab olunur), həftəlik spa və gözəllik klinikalarına səfərlər.
 

Aki pis vərdişlərdən, o cümlədən siqaret və gecə qəlyanaltılarından tamamilə imtina edib, onları saata uyğun yemək və sağlam qidalar yemək rejimi ilə əvəz edib. O, kosmetik prosedurlara - Botoks inyeksiyaları, saç transplantasiyası, Yaponiya və Koreyada məşhur olan cihazlarla dəriyə qulluq vasitələrinə çoxlu sərmayə qoyub.

"Mənim dərim indi 23 yaşımdakı kimidir. Özümü dəyərləndirməyə başladım və bu, hər şeyə - işimə, münasibətlərimə, hətta insanların mənimlə danışıq tərzinə də təsir etdi" - deyə Aki bildirir.
 

Bu yaxınlarda Yaponiyanın ABEMA TV kanalında bütün hekayəsini açıq şəkildə danışdığı məşhur şouda iştirak edib. Bundan sonra Aki internetdə məşhurlaşıb: onun "əvvəl və sonra" şəkilləri tez bir zamanda sosial şəbəkələrdə viral olub. Bir çox istifadəçi onu “özünütənzimləmə və elmin gücünün canlı sübutu” adlandırır.
 

Aki indi sosial media hesablarında məsləhətlər verir, video dərsləri və prosedurlarının nəticələrini paylaşır. Onun paylaşımları on minlərlə bəyənmə toplayır və şərhçilər onu "gənclik koçu" və "qocalma əleyhinə samuray" adlandırırlar.

Aynil