Mançesterdə yaşayan 29 yaşlı Karmen Davies nadir rastlanan genetik xəstəlik səbəbindən çətin həyat keçirir. Trimetilaminuriya (TMAU) adlanan bu pozğunluq onun bədənində çürük balıq və tərə bənzər bir qoxu yaymasına səbəb olur.

Sfera.az bildirir ki, qadın "çürük balıq qoxusu sindromu" kimi tanınan nadir metabolik xəstəliklə mübarizə aparır. Qoxusu nə qədər yuyulsa da getmədiyi üçün Karmen illərdir sosial həyatdan uzaq bir həyat sürmək məcburiyyətində qalıb. Onun xəstəliyi həm psixoloji, həm də fiziki olaraq həyatına dərindən təsir edir.

Bu genetik xəstəlik bədənin trimetilamin adlı maddəni parçalaya bilməməsi nəticəsində tər, nəfəs və sidikdə kəskin və xoşagəlməz qoxuya səbəb olur.

Gündəlik gigiyena səyləri kifayət etmir

Karmen, xəstəliyin qoxuya səbəb olduğu xüsusiyyəti səbəbiylə duş qəbul etməsinə, dişlərini fırçalamasına və ətirdən hər gün istifadə etməsinə baxmayaraq qoxunu basdıra bilmədiyini bildirir. O deyir ki, qoxuya öyrəşdiyi üçün birbaşa fərq edə bilməsə də, ətrafdakıların reaksiyaları ilə daima fərqindədir.

"İnsanlarla təmasdan qaçıram. Bu vəziyyət mənim psixi sağlamlığıma ciddi təsir etdi" - deyən Karmen, özünü sosial mühitlərdən xeyli uzaqlaşdırdığını və evdə vaxt keçirməyə üstünlük verdiyini əlavə edir. Lakin o, azyaşlı uşağı olduğu üçün vaxtaşırı çölə çıxmaq məcburiyyətində olduğunu bildirir.

Karmen xəstəliyin ilk əlamətlərinin 18 yaşında başladığını və ətrafdakı insanlardan mənfi şərhlər almağa başladığını bildirir.

O, bildirir ki, gənclik illərində bir nəfər “pis iy var” deyərək videolarını yayımlayıb və bunun ona çox təsir etdiyini bildirib. Əvvəlcə bu vəziyyətin psixoloji olduğu düşünülürdü.

Bir müddət “qeyri-mövcud qoxuları iyləmək” xəstəliyi ilə qarışdırılıb və həkimlər buna ciddi yanaşmayıblar. Davamlı müraciətlərindən sonra 2023-cü ildə rəsmi olaraq diaqnoz qoyulub.

Bu xəstəliyin müalicəsi yoxdur

Karmen pəhrizinə fikir verərək simptomlarını yüngülləşdirməyə çalışdığını bildirir. Qırmızı ətdən, işlənmiş qidalardan, yaşıl tərəvəzlərdən və bəzi balıq növlərindən uzaq durmalıdır. O, vaxtaşırı ac qaldığını və nəticədə qoxusunun azaldığını müşahidə edir, lakin pis qidalanmır.

Aysel

Nadir xəstəlik səbəbindən daim ölü balıq qoxusu verir - FOTO