Rusiya milyarderlərinin sərvəti artıb - RƏQƏMLƏR

Rusiyanın ən zəngin iş adamlarının sərvəti ilin əvvəlindən 22,547 milyard dollar artıb.

Sfera.az bu barədə “Bloomberg” agentliyinin dərc etdiyi və xüsusilə şirkətlərin səhmlərinin dəyəri əsasında hesablanan Bloomberg Milyarderlər İndeksinə əsasən xəbər verir.

Belə ki, “Norilsk Nikel” şirkətinin prezidenti Vladimir Potanin ilin əvvəlindən 3,82 milyard dollar qazanıb, onun sərvəti 31,7 milyard dollar, Rusiyanın ən böyük dəmir filizi istehsalçısı “Metalloinvest”in səhmdarı Əlişir Usmanovun sərvəti isə 3,79 milyard dollar artıb.

Ən böyük itkini rusiyalı biznesmen və “Monako” futbol klubunun sahibi Dmitri Rıbolovlev çəkib. Onun sərvəti 1,77 milyard dollar azalaraq 9,21 milyard dollar olub.

Qeyd edək ki, 2012-ci ilin martından agentlik planetin ən zəngin 500 adamının sərvətləri haqqında məlumatların yer aldığı Bloomberg Milyarderlər İndeksini dərc edir.

 
Firuzə Əliyeva
Sfera.az