Moldova bu ərazini Rusiyadan geri almaq istəyir

Moldova Baş naziri Dorin Reçean hökumətin iclasından sonra keçirilən brifinqdə Dnestryanı bölgəsindəki separatçı rejimin liderlərini “cinayətkarlar” adlandırıb.

Sfera.az Teleqrafa istinadən xəbər verir ki, hökumətin başçısı Kişinyovun məqsədinin Dnestryanı bölgəni geri almaq olduğunu bildirib.

“Xatırladım ki, oradakı rejim konstitusiyaya ziddir. Orada administrasiya yox, cinayətkarlar var. Moldovanın məqsədi Dnestryanı bölgəni reinteqrasiya etmək və müvafiq əraziyə nəzarət etməkdir”, - deyən Reçean vurğulayıb.

Xatırladaq ki, Dnestryanı 1990-cı illərdən Rusiya hərbi qüvvələrinin nəzarətində olan Moldova vilayətidir. Bölgədə müstəqilliyini elan edən qondarma qurum beynəlxalq səviyyədə tanınmır.