Paşinyan nə üçün velosiped sürür?
Son zamanlar Ermənistanın Baş naziri Nikol Paşinyan hara getsə, velosiped sürür və klip hazırladaraq, onu yayır. Bu da ictimaiyyətdə müzakirə obyekti olub. Paşinyanın bu hərəkətinin əsas səbəbi bir çox şəxsə maraqlı gəlib.
Nəhayət baş nazir məsələ ilə bağlı suallara aydınlıq gətirib.
Sfera.az xəbər verir ki, bu barədə Paşinyan öz Feysbuk hesabında yazıb.
“Niyə biz velosiped sürürük və onu nümayiş etdiririk? Burada əsas məqsəd erkən oyanma vərdişini, sağlam həyat tərzini və fiziki fəaliyyətə təşviq etməkdir. Həmçinin, karbon emissiyalarının azaldılması gündəmini vurğulayaraq alternativ nəqliyyat növlərini təşviqi, şəhər və təbii mühitlə qarşılıqlı əlaqənin və səyahətin alternativ yollarını, azadlığa, həzzə və həyata sadə yollarla çıxış imkanlarını vurğulamaqdır. Bundan başqa, iradəni gücləndirməyin, özünüzə hədəf müəyyənləşdirib problemlərin öhdəsindən gəlmək bacarığını inkişaf etdirməyin, komanda işinin vacibliyini, insanlara fərdi məsuliyyəti nəzərə çatdırmaqdan ibarətdir”,- Paşinyan bildirib.
Firuzə Əliyeva
