Şakira Pike ilə ayrılmasından danışdı: “Mən tək anayam"
Kolumbiyalı müğənni Şakira münasibətlərinin sona çatması xəbərindən üç il sonra yenidən Jerar Pike ilə çətin ayrılması barədə danışıb.
Sfera.az bildirir ki, yeni müsahibəsində Şakira musiqinin ona bu ayrılığın öhdəsindən gəlməyə kömək edən əsas şey olduğunu etiraf edib.
Qeyd edək ki, sənətçi 2022-ci ilin iyununda 11 illik evliliyindən sonra ona xəyanət etdiyi barədə şayiələr fonunda keçmiş Barselona ulduzundan ayrıldığını açıqlamışdı.
Keçmiş cütlüyün iki - 12 yaşlı Milan və 10 yaşlı Saşa adlı övladları var.
Şakira sevgi şansının daha kiçik olduğuna inansa da, oğlanlarına güclü tək ana olmağa davam edir.
"Musiqimin müalicəvi olduğunu gördüm. Şəxsən mən çətin illər, ayrılıq və bütün bunları yaşadım, amma musiqi məni yenidən bir araya gətirən yapışqan kimi idi" - deyə müğənni bildirib.
Şakira etiraf edib ki, həyatının bəzi hissələrini öz musiqisi ilə xatırlayır.
"Məndən çox asılı olan bu iki uşağa, bu iki körpəyə cavabdehəm və mən tək anayam, mənə heç bir işdə kömək edəcək nə ərim, nə də köməkçim var"- deyə məşhur müğənni bildirib.
Xatırladaq ki, Şakira və Pike 2010-cu ildə müğənninin “Waka Waka” (This Time for Africa) klipinin çəkiliş meydançasında tanış olublar. 2011-ci ilin may ayında münasibətlərini ictimaiyyətə açıqlayıblar. 2013-cü ildə Milan və 2015-ci ildə Saşa dünyaya gəlib.
Müğənnidən ayrıldıqdan sonra Pike Klara Çia Marti ilə münasibətə başlayıb.
Bir gün əvvəl, “2025 Grammy” Mükafatlarında Şakira “Las Mujeres Ya No Lloran” üçün Ən Yaxşı Latın Pop Albomu nominasiyasını qazanıb. Sənətçi oğulları ilə ictimaiyyət qarşısına çıxıb.
Aynil
