Daha bir ölkə BRİKS-ə üzvlüyünü təsdiqlədi

"Tailandın Nazirlər Kabineti ölkənin BRİKS-ə daxil olmasını təsdiqləyib. Bu, Tailandın beynəlxalq arenada rolunun artmasına kömək edəcək".
 

Sfera.az xəbər verir ki, bunu Tailand hökumətinin mətbuat xidməti qeyd edib.
 

Hökumət tərəfindən təsdiq edilmiş niyyət məktubu layihəsində qeyd edilir ki, BRİKS-ə qoşulmaq Banqkokun yeni dünya nizamı yaratmaq imkanlarını genişləndirir və inkişaf etməkdə olan ölkələrlə əməkdaşlığı gücləndirir. Eyni zamanda, hökumət tərəfindən izah edilir ki, inkişaf etməkdə olan bazarları olan inkişaf etməkdə olan ölkələr yaranan yeni dünya nizamında mühüm rol oynayır.
 

Xatırladaq ki, BRİKS-ə hazırda doqquz ölkə daxildir. Bunlar təşkilata adını verən Braziliya, Rusiya, Hindistan, Çin və Cənubi Afrika, həmçinin İran, Misir, Efiopiya və BƏƏ-dir. Dünyanın dörd bir ölkəsi 2023-cü ildə BRİKS-ə qoşulmaqda maraqlı olduğunu bildirib. BRİKS-in iqtisadi payı G7 ölkələrinin iqtisadiyyatının çəkisini üstələyir.
 

BRİKS artıq dünya əhalisinin 41,6%-ni və ya 3,41 milyard insanı birləşdirir. Rusiyanın BRİKS-ə sədrliyi yanvarın 1-dən başlayıb . Təşkilatın növbəti sammiti Kazanda keçiriləcək.


İnci
sfera.az