“Kann” festivalınds qarşıdurma: Aktrisa paltarına görə qalmaqala düşdü - VİDEO
Kann kinofestivalında daha bir xoşagəlməz hadisə baş verib.
Sfera.az bildirir ki, Dominikanlı aktrisa Massiel Taveras pilləkənlərdə İsa Məsihin təsviri ilə bəzədilmiş uzun qatarlı paltarı açmağa çalışıb. Lakin mühafizəçi ona bunu etməyə icazə verməyib.
Az qala davaya çevrilən qalmaqal yaşanıb.
Qeyd edək ki, əvvəllər eyni mühafizəçi müğənni Kelli Roulendlə qalmaqal yaşayıb.
Qalmaqal görüntülərində Taverasın göstərişlərə məhəl qoymadan paltarının ətəyini pilləkənlərdən aşağı açması görünür. Vəziyyət o həddə çatıb ki, aktrisa qadın mühafizəçini itələyib. Qeyd edək ki, Massiel Taveras əvvəllər “Miss Dominikan Respublikası tacını alıb və “Miss Universe” müsabiqəsində iştirak edib.
"El Cristo" paltarını dizayneri Giannina Azar, İsanın isə rəssamı Jan Paesdir. Geyimin qiyməti təxminən 450 min dollardır.
Qeyd etdiyimiz kimi, eyni mühafizəçi bir neçə gün əvvəl keçmiş “Destiny's Child” üzvü ilə də qalmaqal yaşayıb. Bundan sonra Kelly Rowland mühafizəçiyə "irqçi" deyib. Mühafizəçinin həmkarları isə onun özünü düzgün apardığını və yalnız öz işini gördüyünü bildiriblər.
Şahidlər “Kann” kinofestivalında qırmızı xalçanın çox qısa, ziyarətçilərin isə çox olduğunu qeyd ediblər. Tıxacın yaranmasın deyə hamı, hətta ulduzlar belə qrafikə əməl etməlidir. Bu işdə onlara mühafizəçi kimi də fəaliyyət göstərən bir çox qapıçılar kömək edir. Həmişə peşəkar və nəzakətli davranırlar.
Digər mənbə qeyd edib ki, mühafizəçi “Kann Film Festivalı”nda qısamüddətli müqavilə ilə işləyən fransız qadındır.
Onun irqçi olması ilə bağlı deyilənlər isə sadəcə gülüncdür.
"Ziyarətçilər və Kann işçiləri müxtəlif mənşələrdən gəlirlər və onların heç biri ayrı-seçkiliyə məruz qalmır".
Xatırladaq ki, 77-ci “Kann Film Festivalı” mayın 25-də başa çatıb. Qalib Şon Beykerin “Anora” filmi olub. Digər qaliblər isə aşağıdakı kimi sıralanıb:
Böyük Mükafat – “İşıq kimi təsəvvür etdiyimiz hər şey”, Payal Kapadia.
Rejissor Mükafatı: Miguel Gomez, "The Grand Tour"
Ekran işinə görə mükafat - "Maddə", rejissoru Karoly Fargea.
Ən yaxşı aktrisa mükafatı: Zoe Saldana, Selena Qomez, Karla Sofiya Qaskon (“Emiliya Perez”).
Ən yaxşı aktyor mükafatı: Jesse Plemons, Types of Kindness.
Münsiflər heyətinin mükafatı - "Emilia Perez", rejissor Jak Audiard.
Münsiflər heyətinin xüsusi mükafatı – “Müqəddəs Əncirin Toxumları”, rejissor Məhəmməd Rəsulof.
"Un Certain Reard" - "Qara it", rejissor Quan Hu.
Ən yaxşı qısametrajlı film – Neboysa Sliepçeviçin çəkdiyi “Səssiz ola bilməyən adam”.
"Armand" filmi isə (Norveç, Hollandiya) ən yaxşı debüt üçün “Kamera d'Or” mükafatı alıb.
Aysel
Sfera.az
