Ukrayna da Rusiya kimi döyüşlərdə onlardan İSTİFADƏ EDƏCƏK
"Ukraynada 600-dən çox məhbus şərti azadlığa buraxılıb və silahlı qüvvələrə qoşulub, onlar hücum bölmələrinə göndəriləcək".
Sfera.az xəbər verir ki, bu barədə Ukraynanın ədliyyə naziri Denis Malyuska "Rada" telekanalının efirində deyib.
“Cəza çəkən şəxslərdən ibarət bölmələr təşkil olunacaq. Bunlar monolit birləşmələr olacaq”, - Malyuska bildirib.
Onun sözlərinə görə, söhbət 612 məhbusdan gedir. İndi onlar müvafiq təlim keçirlər və gələcəkdə Ukrayna Silahlı Qüvvələrinin hücum bölmələrində xidmət edəcəklər.
Nazir həmçinin ağır cinayətlərə görə məhkum olunmuş şəxslərin Ukrayna Silahlı Qüvvələri sıralarına qəbul edilməsini təklif edib. Onun fikrincə, belə insanlar yaxşı mübarizə apara bilərlər.
Xatırladaq ki, mayın 17-də Ukrayna Prezidenti Volodimir Zelenski həbsxanalarda cəza çəkən şəxslərin səfərbər edilməsi haqqında qanun layihəsini imzalayıb.
Qeyd edək ki, Rusiya da bir neçə ildir, orduda bu üsuldan istifadə edir.
Əzizə
