Devid Bekhem “Hugo Boss” kolleksiyasının dizayneri oldu - FOTOLAR

“Hugo Boss” kişi kolleksiyasında Devid Bekhem ilə çoxillik əməkdaşlıq edəcəyini açıqlayıb.

Sfera.az xəbər verir ki, əməkdaşlıq “Boss Menswear” üçün ilk növdür. Belə ki, “Boss Menswear” “Hugo Boss” kolleksiyasının ilk kişi xəttidir. Bu illər ərzində Devid Bekhem bir çox məşhur brendlərlə əməkdaşlıq edib. “Hugo Boss” ilə müqavilə ona tamamilə yeni rolda özünü sübut etmək imkanı verəcək. Kolleksiya keçmiş ingilis futbolçu alman brendinin üslubunu və estetik dəyərlərini nümayiş etdirəcək.

Qarşıdakı mövsümlərdə Bekhem tərəfindən dizayn edilmiş və kuratorluq etdiyi kolleksiyalar daxil olacaq. Bekhem özü bütün yaradıcılıq prosesində iştirak edəcək. Təqdim olunan ilk kolleksiya 2025-ci ilin yaz-yay mövsümündə olacaq.

“Devid Bekhem həm idmanda, həm də modada əsl simvoldur. O, “Boss” dəyərlərini ən mükəmməl şəkildə təcəssüm etdirir”.

“Hugo Boss”un baş direktoru Daniel Qrider İnstaqram səhifəsində müvafiq yazı paylaşarkən bu məlumatı təsdiqləyib:

Qeyd edək ki, keçmiş “Mançester Yunayted”, “Real Madrid”, “LA Galaxy, AC Milan” və “Paris Saint-Germain”in yarımmüdafiəçisi uzun müddətdir ki, özünü sahibkar kimi təsdiqləyib. O, müxtəlif xeyriyyə layihələrində iştirak etməklə yanaşı, məşhur brendlərin reklam kampaniyaları üçün də pozalar verib.

"Son bir neçə il ərzində dizayn və modaya daha çox vaxt sərf etmək istəyirdim, lakin həqiqətən qlobal və təsirli bir şey yarada biləcək bir brend və komanda ilə əməkdaşlıq etdiyimə əmin olmaq istədrim. “Boss” ilə işləmək mənə çox xoş oldu. İndiyə qədər komandanın ambisiyası, yaradıcılığı və mükəmməlliyə sadiqliyi məni heyran edib”-deyə David məşhur brendlə müqavilə imzalaması barədə açıqlama verərkən bildirib. 

Xatırladaq ki, bu, Devid Bekhemin moda dünyasına ilk addımı deyil. O, bu illər ərzində “Adidas”, “H&M” və “Emporio Armani” kimi çoxsaylı brendlərlə əməkdaşlıq edib. Bu arada onun həyat yoldaşı Viktoriya Bekhem “Mango” ilə əməkdaşlıq edir. Bunun üçün o, klassik Britaniya üslubunu İspan sürətli moda brendinin minimalist dizaynları ilə birləşdirən kolleksiya da hazırlayıb.

Aysel

Sfera.az