Los-Ancelesdəki məşhur “Westwood” qəbiristanlığında Merilin Monro və Hyu Hefnerin yanında qəbir yeri satılır. Məşhurların yanında yatmaq istəyənlər bu yer üçün 200-400 min dollar ödəməlidirlər.

Sfera.az bildirir ki, Qərbi Los-Ancelesdəki Vestvud qəbiristanlığı Truman Capote, Kirk Douglas və Farrah Fawcett kimi məşhurların son istirahət yeridir.
Sözügedən qəbir Memorial Parkda Merlin Monronun qəbrindən bir qədər yuxarıda və dörd qəbir  solda yerləşir.

Hərrac “Julien's Auctions” tərəfindən təşkil edilir. Bundan əvvəl şirkət Hefner və Monronun əşyalarının, o cümlədən ulduzun 1953-cü ildəki ilk “Playboy”, Hefnerin tünd qırmızı smokin və ipək pijamaları, dovşan kostyumları və Monroya məxsus portağal Elizabet Arden dodaq boyası da daxil olmaqla daha geniş auksionun bir hissəsi olmuşdur.

Hərracın başlanğıc qiyməti 50.000 dollardır. Buna baxmayaraq qəbirin başlanğıc qiymətdən ən azı dörd dəfə baha olacağı təxmin edilir.

Qeyd edək ki, əfsanəvi ulduz Merilin Monro 1962-ci ildə vəfat etdikdən sonra keçmiş əri Co DiMaggio onun üçün “Westwood Village”də şəxsi dəfn mərasimi keçirib. “Playboy” yaradıcısı Hefner daha sonra yaxınlıqdakı məkanı satın alıb.

O, 2009-cu ildə “Times” qəzetinə demişdi: 

"Merilinlə birlikdə əbədiyyət keçirtmək çox yaxşıdır". O, qəbri 1992-ci ildə 75 min dollara alıb, 2017-ci ildə isə dünyasını dəyişib.

Los-Ancelesin məşhur memorial parkında isə qəbirlərin qiyməti illər ərzində dəyişib. 2009-cu ildə “eBay”da Monronun qəbrinin üstündəki yer üçün keçirilən hərracda buraya 4,6 milyon dollar qiymət qoyulsa da, sövdələşmə baş tutmayıb.

Daha sonra, 2020-ci ildə Monro və Hefnerdən bir neçə m hündürlükdə olan dəfn sahəsinin sahibi qoyulan qiyməti 790.000 dollardan 745.000 dollara endirib. Bu qəbir yerinin hələ də, satılıb-satılmadığı dəqiq məlum deyil.

Nekropol saytına görə, məqbərələrdəki oturacaqlar adətən 46,995 dollardan başlayır.

Qeyd edək ki, bu qəbiristanlıqda dəfn edilən digər məşhur insanlar arasında yazıçı Truman Capote və “Çarlinin Məkəkləri” filminin ulduzu Farrah Fawcett də var. Yazıçı Rey Bredberi və aktyor Lui Jourdan burada dəfn olunublar.

5 fevral 2020-ci ildə 103 yaşında vəfat edən məşhur aktyor Kirk Duqlas da burada dəfn olunub.

Ümumilikdə martın 30-dək davam edəcək hərracda bir vaxtlar Merilin Monro, Hyu Hefner və “Playboy Enterprises” şirkətlərinə məxsus 600-dən çox tarixi əsər satılacaq. “Julien's Auctions” nümayəndəsinin sözlərinə görə, bu əşyalar tarixdə ilk dəfə bir araya gətirilib.

Aynil

Sfera.az