"Aİ və ABŞ sülh məsələsində ciddidirsə, dəqiq mina xəritələrini Azərbaycana versin" - Millət vəkili

“44 günlük müharibə və 1 günlük antiterror əməliyyatı onu göstərdi ki, bəzi dövlətlər bu ərazidə erməni faktorundan istifadə etməsəydi, belə dağıntılar da olmazdı”.

Sfera.az xəbər verir ki, bunu Milli Məclisin bu gün keçirilən iclasında deputat Əli Məsimli deyib.

“Ermənilər kimdir ki, onlar 9 min kvadrat kilometr ərazilərini 30 min kvadrat kilometrə çatdıra, hətta Azərbaycan ərazisinin 20 faizini işğal edə, hətta Bakıya qədər gəlib çıxacağını həyasızca iddia edərdi. Əgər doğrudan da, Aİ və ABŞ sülh məsələsində ciddidirsə, I Qayıdış Proqramına uyğun Cənubi Qafqazda sülhə xidmət edən proqram hazırlasın, dəqiq mina xəritələrini Azərbaycana versin“, - o, qeyd edib.

Firuzə Əliyeva