Türkiyədə sudan zəhərlənən 80 nəfər xəstəxanaya müraciət edib
Türkiyənin Bolu vilayətinin 4 kəndində içməli su ilə əlaqədar kütləvi zəhərlənmə baş verib.
Sfera.az Trend-ə isinadən xəbər verir ki, bu barədə Türkiyə KİV-ləri məlumat yayıb.
Məlumata görə, Bolu mərkəzinə yaxın olan Örencik, Okçular, İlıcakını və Çamyayla kəndlərindən ümumilikdə 80 nəfər xəstəxanaya müraciət edib. Xəstələr ishal, ürəkbulanması və kəskin qarın ağrılarından şikayətləniblər. Kütləvi zəhərlənmənin həmin kəndlərin su təchizatını həyata keçirən su kanalından qaynaqlandığı ehtimal edilir. Bolu vilayətinin Səhiyyə İdarəsinin əməkdaşları artıq sözügedən su kanalından su nümunələri götürərək, müayinəsi üçün laboratoriyaya göndərib.
Məsələ həllini tapana qədər sakinlərə müvəqqəti olaraq həmin su hövzəsindən istifadə etməmək tapşırılıb.
