"Fastfud", çips, kraker kimi qidalar xərçəngdən ürək xəstəliyinə, diabetə və tənəffüs çatışmazlığına qədər 32 müxtəlif sağlamlıq probleminə səbəb olur.

Sfera.az xəbər verir ki, bu barədə “Ntv Haber” məlumat yayıb. Məlum olub ki, inkişaf etmiş ölkələrdə yaşayan insanların gündəlik qida rasionunun 80 faizi bunlardan ibarətdir.

Bu qidaların istehlakı ürək xəstəliyi riskini 50 faiz, piylənmə və şəkərli diabet riskini 66 faiz artırır. Həmçinin çips və krakerin astma, bağırsaq xəstəlikləri, təzyiq və yüksək xolesterin riskini də artırdığı qeyd olunub.

Mütəxəssislər bu qidalarda kimyəvi maddələrlə artırılan ucuz inqrediyentlərdən istifadə edildiyini açıqlayıblar.

"Həmin qidalar ətirləndirici, qatılaşdırıcı və rəngləndiricilərlə həm ləzzətli, həm də zərərli hala gətirilir".

Ülkər Abdurahmanlı