Uşaq cərrahiyyəsində tez-tez rast gəlinən hallardan biri qasıq yırtığıdır. Bu, valideynləri ən çox narahat edən problemlərdən sayılır.

Bəs qasıq yırtığı nədir?

Mövzu ilə bağlı Sfera.az-a danışan uşaq cərrahı Toğrul Ömərov bildirib ki, qasıq yırtığı, əsasən, cinsiyyət orqanlarının ətrafında yaranan şişlərdir.

“Qasıq yırtığı ağır yük qalırdıqda, ağır işlərlə məşğul olduqda meydana gəlir. Bu xəstəliyin başlanğıc dövrü daha çox ağrılı olur. Ancaq ağrı müəyyən müddətdən sonra kəsilə və ya azala bilər. Xəstələr ağrı azaldığı üçün xəstəliyin aradan qalxdığını düşünsə də, əslində bu xəstəliyin irəliləməsinə işarədir. Qasıq yırtığı xəstəliyini dərmanla müalicə etmək olmur”.

Həkim bildirib ki, yırtıq böyümədən cərrahi əməliyyatla onu aradan qaldırmaq olur.

“Ona görə qasıq yırtığına qeyri-ciddi yanaşmaq düzgün deyil. Qasıq yırtığı fərq edildiyi andan həkimə müraciət etmək lazımdır”.

Ülkər Abdurahmanlı