Şərab qəbul etmək digər qida və içkilərdən fərqli olaraq daha tez kilo almağımıza səbəb olur.

Sfera.az "Telegraph"a istinadən xəbər verir ki, bu barədə  qida mütəxəsssisləri məlumat verib. Məlumatda qeyd olunur ki, arıqlamaq üçün kişilərin günədlik 1900, qadınların 1400 kalori qəbul etməli olduğu bildirilsə də, bu kalorinin şəkər, yaxud zülal vasitəsilə qəbul edilməsi də nəticəyə təsir göstərir. Zülal qəbul edən zaman 100 kalorinin 30-u metabolizm üçün istifadə olunsa da, yağlı qidalardan aldığımız 100 kalorinin hamısı birbaşa bədənimizə təsir göstərir.

Mütəxəssislərin fikirlərinə görə, düzgün edilmiş idman hərəkətlərinin  nəticəsi bədəndə 24 saat qala bilir və beləliklə bu saatlar ərzində bədəndə olan bəzi yağlar əriməyə davam edir. Yandırılan kaloridən daha az kalori qəbul etdiyiniz halda arıqlaya bilməməyinizin səbəbi isə insulinə nəzarətdir. Karbohidratlar bağırsaqda sürətlə parçalanır və qana sürətlə daxil olan şəkərə çevrilir. Qan şəkərinin səviyyəsi yüksəldikcə, mədəaltı vəzi insulin istehsal edir, hüceyrələri enerji və ya saxlama üçün qan şəkərini udmağa təşviq edir. Ancaq bu, karbohidratları tamamilə kəsməlisiniz demək deyil.  

Karbohidratları təkbaşına yeməyin. Onları avokado, yerfıstığı və ya badam yağı kimi az miqdarda əsas yağlarla birləşdirin, çünki bunlar qlükoza və fruktozanın qana sovrulmasını ləngidir və daha uzun müddət toxluq hissi yaradır.

Yaşlandıqca insanların çoxu artıq çəki alır. Ancaq qarın piylənməsi, qarın bölgəsində artıq yağ yataqlarının olması ürək-damar xəstəlikləri və xərçəng ölümləri ilə güclü şəkildə əlaqələndirilir. Ona görə yaş artdıqca qidalanmaya xüsusi diqqət yetirilməli və sağlam həyat tərzi sürülməlidir.

İnci