Yəmən ordusundan Səudiyyə Ərəbsitanına sarsıdıcı zərbə
11:32 / 03.01.2019
1781
Yəmən ordusu dekabrın 31-də Səudiyyə ordusu və muzdluların Nəcran vilayətindəki posltarına gözlənilməz hücum edib.
Hücum nəticəsində bir neçə səudiyyəli hərbçi və muzdlu döyüşçü öldürülüb. Bundan əlavə, Səudiyyə Ərəbistanı ordusuna məxsus pulemyot və digər silahların ələ keçirildiyi bildirilir. Qeyd edək ki, 2015-ci ildən bu günə kimi Səudiyyə Ərəbistanı və müttəfiqləri Yəmənə təcavüz edir.
Hərbi təcavüz nəticəsində on minlərlə insan həyatını itirib, milyonlarla insan xəstəliyə məhkum olub və məcburi köçkün vəziyyətinə düşüb. Səudiyyə və tərəfdaşları dəniz və havadan blokada şəraitində olan Yəmənə zəruri ərzaq və tibbi ləvazimatın daxil olmasına mane olur.
Hazırda blokada nəticəsində milyonlarla yəmənli ağır şərtlər altında yaşamağa məcburdur. Buna baxmayaraq, yəmənlilər döyüş meydanında təcavüzkarlara qarşı mübarizəni davam etdirirlər.
