Bakıda ailə FACİƏSİ: kişi öldü, 5 nəfər ölümlə çarpışır - YENİLƏNİB
17:36
Bu gün Suraxanı rayonunda baş vermiş bədbəxt hadisənin təfərrüatı məlum olub. Lent.az xəbər verir ki, Yeni Günəşli qəsəbəsində yaşayan Heydər Seyidovun ölümü, anası Vəsilə, qardaşı Elmar, bacısı Pərvanə, arvadı Xatirə və azyaşlı oğlu İbrahimin xəstəxanaya düşməsi ilə nəticələnən hadisəyə mənzilin mətbəxindəki qaz sobasının səbəb olduğu üzə çıxıb.
Məlum olub ki, evdəki su qızdırıcısı da mətbəxdə quraşdırılıb və buradan yayılan dəm qazı mənzilə yayılıb.
Hadisə ilə bağlı ilk olaraq H.Seyidovun bacısı Pərvanə xəbər tutub. Zəhərləndiyini hiss edən qadın evdəki digər şəxsləri yuxudan oyadıb və bu zaman H.Seyidovun artıq vəfat etdiyi məlum olub.
---------
12:21
Fevralın 20-də Suraxanı rayonunun Yeni Günəşli qəsəbəsində yaşayan Heydər Seyidovun evində özü, anası Vəsilə, qardaşı Elmar, bacısı Pərvanə, arvadı Xatirə, azyaşlı oğlu İbrahim dəm qazından zəhərləniblər.
Milli.Az DİN-ə istinadən xəbər verir ki, nəticədə H.Seyidov ölüb, digərləri xəstəxanaya yerləşdiriliblər.
