\"Real\" 120 milyonluq transferə hazırlaşır
19:03 / 09.09.2023
7831
"Real" heyətini gücləndirə biləcək daha bir futbolçunu İngiltərə Premyer Liqasında tapıb.
Sfera.az xəbər verir ki, Braziliya millisinin və "Nyukasl"ın yarımmüdafiəçisi Bruno Gimarayş "kral" klubunun maraq dairəsinə düşüb. Bu barədə "Daily Telegraph" məlumat yayıb.
Futbolçunu heyətinə qatmaq üçün Madrid klubu Gimaraeşin təzminat məbləğini ödəməli olacaq. Bu, 120 milyon avroya bərabərdir. İspaniya nəhəngi yanvar transfer pəncərəsində keçidi reallaşdırmağı planlaşdırır.
Qeyd edək ki, 25 yaşlı braziliyalının "Nyukasl"la müqaviləsi 2026-cı ilin iyununa qədərdir.
