İtaliyan senator Bruno Astorre vəfat edib.

Sfera.az İtaliyanın ANSA agentliyinə istinadən xəbər verir ki, əsas müxalifət mərkəz-solun Demokratiya Partiyasından (PD) olan senator bu gün paytaxt Romanın mərkəzindəki Cenci sarayında, ofisində vəfat edib.

“La Repubblica” qəzeti senatorun özünü öldürmüş ola biləcəyini yazıb.

Roma Baş Prokurorluğunun senatorun ölümü ilə bağlı intihar şübhəsi ilə istintaq başlatdığı və Astorrenin ofisində araşdırma aparılacağı bildirilib. Bu araşdırmaya uyğun olaraq, 59 yaşlı Astorrenin cəsədinin otopsiya edilib-edilməyəcəyi barədə qərar veriləcək.

Senatın sədri İqnazio La Russa hadisədən çox təəssüfləndiyini bildirib və Senatda bayraqların yarıya qədər endirilməsi əmrini verib.

Baş nazir Giorgia Meloni də “Twitter” hesabında Astorrenin vəfatından dərin təəssüfləndiyini yazıb. 

Astorre 25 sentyabr 2022-ci ildə keçirilən növbədənkənar seçkilərdə üçüncü dəfə senator seçilmişdi. 

Lalə
Sfera.az