Karapetyan Kosobakov və Ovçarovla nədən danışıb? – “Belə bir görüşü təşkil etməklə…”
16:27 / 09.09.2021
832
"Həm Azərbaycanın Qarabağ bölgəsində müvəqqəti yerləşdirilən
Rusiya sülhməramlılarının yeni komandanı general-mayor Mixail Kosobokov, həm də
Gümrüdəki 102-ci hərbi bazasının komandiri polkovnik Dmitri Ovçarov Rusiya
silahlı qüvvələrinin təmsilçiləridir. Bu mənada onların görüşünü normal saymaq
olar”.
Bu sözləri Sfera.az -a açıqlamasında politoloq Tofiq
Abbasov Ermənistan müdafiə naziri Arşak Karapetyanın Azərbaycanın Qarabağ bölgəsindəki Rusiya sülhməramlılarının yeni komandanı general-mayor
Mixail Kosobokov və Rusiyanın Gümrüdəki 102-ci hərbi bazasının komandiri,
polkovnik Dmitri Ovçarovla görüşməsini şərh edərkən deyib.
O bildirib ki, general-mayor Mixail Kosobokov yeni
Rusiya sülhməramlılarının komandanı təyin edilib və çalışır ki, cari vəziyyətlə
tanış olsun:
"Düşünürəm ki, görüşdə Rusiyanın İrəvandakı səfirliyinin
müdafiə məsələləri üzrə attaşesi, polkovnik İqor Şerbakovun da iştirak etməsi rəsmi
İrəvanın təşəbbüsü ilə reallaşıb. Ermənistan müdafiə naziri Arşak Karapetyan
belə bir görüşü təşkil etməklə rəsmi Bakının gözünü qorxutmağa çalışır”.
Politoloq postmüharibə dövrününün reallıqlarının nəzərə
alınmalı olduğunu deyib:
"Mixail Kosobokov yeni təyinat alıb və bu mənada
regionda baş verən prosesləri yaxından görmək, analiz etmək istəyir. Digər tərəfdən,
bu gün Ermənistanın özündə də vəziyyət gərgindir. 102-ci hərbi bazanın kifayət
qədər problemləri var. Ermənistan daxilində Rusiya əleyhinə ovqat gün-gündən
qüvvətlənir. Bu mənada Rusiyanın regiondakı qüvvələri həm də bu məsələ üçün
koordinasiyalı hərəkət etməyə məcburdur”.
Politoloq general-mayor Mixail Kosobokovun separatçı
Abxaziyada xidmət etməsi ilə Qarabağdakı xidməti arasında parallellər aparmağın
tərəfdarı olmadığını söyləyib:
Turan Rzayev
