Yeni Azərbaycan Partiyasının Zaqatala Təşkilatı Heydər Əliyevin 102-ci ildönümünə həsr olunan görüş təşkil olundu - Fotolar
Yeni Azərbaycan Partiyasının Zaqatala Təşkilatı sədri Fərid bəy Ramazanovun təşəbbüsü ilə təşkilat əməkdaşlarıyla Zaqatala rayon Heydər Əliyev adına Mərkəzdə dahi şəxsiyyət Heydər Əliyevin anadan olmasının 102-- ci ildönümü ərəfəsində əvəzolunmaz şəxsiyyətin həyat və fəaliyyətinə həsr olunan görüş təşkil olundu.
Ulu Öndərin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, xalqımız və dövlətimiz qarşısında misilsiz xidmətlərinin geniş ictimaiyyətə çatdırılması məqsədilə ardıcıl tədbirlər həyata keçirilir.
"Ümummilli lider Heydər Əliyevin 102 illiyi" ilə əlaqədar Yeni Azərbaycan Partiyası Zaqatala rayon təşkilatı tərəfindən bir qrup gənc partiya fəalları Zaqatala rayon Heydər Əliyev Mərkəzini ziyarət edib.
Ziyarət zamanı qonaqlar Heydər Əliyev Mərkəzinin Muzeyinə də baş çəkiblər.
Mərkəzin əməkdaşı tərəfindən Azərbaycan xalqının Ümummilli lideri Heydər Əliyevin şərəfli ömür yolu, ölkəmizin tərəqqisi uğrunda göstərdiyi çox saylı xidmətlərini özündə əks etdirən fotoşəkillər və kitablar haqqında ətraflı məlumat verilib, daha sonra ziyarətçilər Heydər Əliyevə dair eksponatlarla tanış olub.
Sonda qonaqlar Ulu öndərin həyat və yaradıcılığına həsr olunmuş sərgi ilə tanış olublar.
