Avtomobildən 300 min dollar düşdü: İnsanlar pulları toplamağa çalışdı

İllinoys ştatının Oak Park şəhərində 300 min dollar nağd pul Brinks zirehli avtomobilindən yola düşüb.
 

Sfera.az bildirir ki, insident xaosa səbəb olub, insanlar pul kisələri ilə küçələrə qaçıblar.


Hadisə, Brinksin avtomobilinin arxa qapısının qəfil açılaraq, ümumi dəyəri 300.000 dollar olan 3 çantanın yola tökülməsi ilə baş verib. Sürücünün dediyi kimi, 50-100 nəfər səpələnmiş əskinasları yığmağa tələsərək ciblərinə doldurub və sürətlə hadisə yerində gözdən itiblər.
 

Hazırda polis araşdırma aparır və tapılan pulu mənimsəmiş şəxslərin kimliyini müəyyənləşdirməyə çalışır. Pulu özlərinə saxlayanlar hüquqi məsuliyyətlə üzləşə bilər. İllinoys qanunlarına görə, itirilmiş əşyalar, o cümlədən pul qanuni sahibinə qaytarılmalıdır. Qanun belə əşyaların qaytarılmasına görə mükafat nəzərdə tutmur.


Həmçinin bir şəxs qanunsuz olaraq 500-10.000 ABŞ dolları arasında olan əmlaka sahibdirsə, bu, oğurluq sayılır və ağır cinayət kimi təsnif edilir. Cinayətkarı 5 ilə qədər həbs və 25 min dollara qədər cərimə gözləyir.
 

Keçmiş FTB agenti Mayk Driskoll belə bir vəziyyətdə şübhəlilərin tapılmasının son dərəcə çətin olacağını bil. O, əlavə edib ki, pulun itirilməsi hallarını araşdırarkən hüquq-mühafizə orqanlarının əməkdaşları müşahidə kamera görüntülərinə baxmaq və şahidləri dindirmək də daxil olmaqla, “köhnə üsullara” etibar etməli olurlar.