Böyük Kanyonda dəhşətli daşqın: 20-dən çox insan itkin düşdü

Arizona ştatının Böyük Kanyon Milli Parkında baş verən daşqın nəticəsində 20-dən çox insan itkin düşüb.

İtkin düşmüş şəxslərin axtarışı və xilasetmə əməliyyatları davam edir, ərazidən 60-dan çox insan təxliyə edilib.

Sfera.az xəbər verir ki, ABŞ Milli Park Xidməti 29 avqustda Arizona ştatının şimalındakı dünyaca məşhur Böyük Kanyon Milli Parkının sərhədləri daxilində qəfil və şiddətli daşqın səbəbindən böyük bir böhran elan edib. Hakimiyyət orqanlarının ilk rəsmi açıqlamasında qəfil daşqınlardan sonra 20-dən çox insanın hələ də itkin düşdüyü və çay yatağı boyunca axtarış əməliyyatlarının davam etdiyi qeyd edilib.

Hadisə zamanı ərazidə olan 60-dan çox insan təcili yardım qrupları tərəfindən təhlükəsiz zonalara təxliyə edilib və digər qrupları xilas etmək üçün yeni təxliyə planları hazırlanır. Axtarış-xilasetmə qrupları tərəfindən hələlik heç bir ölüm və ya birbaşa xəsarət barədə məlumat verilməyib. Daşqınların vurduğu ziyanın miqyasını müəyyən etmək üçün texniki araşdırma başlanılıb. Ehtiyat tədbiri olaraq, kanyon daxilində bəzi vacib turistik yerlər bağlanıb və Kolorado çayında bütün su fəaliyyətləri dayandırılıb .

İradə Elsevər

Sfera.az