“iPhone” istifadəçilərinə vacib xəbər
“Apple” “iPhone” istifadəçiləri üçün yeni iOS 26.6 yeniləməsini rəsmi olaraq istifadəyə verib. Yeniləmə sistem təkmilləşdirmələri ilə yanaşı, 75-dən çox təhlükəsizlik düzəlişini də özündə birləşdirir.
Sfera.az xəbər verir ki, yeni yeniləmə uyğun “iPhone” modelləri üçün artıq əlçatandır. İstifadəçilər yeniləməni cihazlarının Parametrlər → Ümumi → Proqram təminatı yeniləməsi bölməsindən yükləyə bilərlər.
Yeni versiya qarşıdan gələn iOS 27 yeniləməsinə hazırlıq məqsədi daşıyır. Sistem arxa planda Spotlight axtarış indekslərini optimallaşdırır və bununla da gələcək böyük yeniləmənin daha problemsiz həyata keçirilməsi hədəflənir.
Bloklanan şəxslərlə bağlı yeni xəbərdarlıq
Yeniləmə ilə bloklanan kontakt siyahısında yeni bildiriş sistemi tətbiq edilib. İstifadəçi bloklanan şəxslər üçün nəzərdə tutulan limitə çatdıqda sistem xəbərdarlıq göstərir.
Bildirişdə yeni nömrə əlavə etmək üçün siyahıdan əvvəlki bloklanan kontaktlardan birinin silinməsi tövsiyə olunur.
Bundan əlavə, iOS 26.6-nın kodlarında telefonun oğurluq zamanı avtomatik kilidlənməsini təmin edə biləcək yeni təhlükəsizlik funksiyasına dair işarələr aşkarlanıb.
Yeniləmə paketi həmçinin 75-dən çox təhlükəsizlik boşluğunun aradan qaldırılmasını və müxtəlif sistem xətalarının düzəldilməsini əhatə edir.
Mənsumə
