İqlim dəyişikliyi qlobal iqtisadiyyata 38 trilyon dollar zərər vura bilər - ARAŞDIRMA
İqlim dəyişikliyinin qlobal iqtisadiyyata vurduğu ziyan 2049-cu ilə qədər ildə 38 trilyon dollara çata bilər.
Sfera.az xəbər verir ki, bu nəticəyə Potsdam İqlimə Təsirin Tədqiqat İnstitutunun alimləri gəlib. Araşdırmanın nəticələri "Nature" jurnalında dərc olunub.
Materialda bildirilib ki, qlobal dəyişikliyə əsasən, qlobal iqtisadiyyat 19 faiz daralma riski ilə üzləşir. İtkilər qlobal istiləşmə sürətinin azaldılması xərclərindən altı dəfə çoxdur. Eyni zamanda, əsas təhlükə Yer kürəsində temperaturun yavaş-yavaş yüksəlməsindən deyil, təbii fəlakətlərdən - meşə yanğınları və qasırğalardan qaynaqlanır.
Ekspertlərin fikrincə, iqlim dəyişikliyi təkcə milli hökumətlər və iri şirkətlər üçün deyil, həm də ayrı-ayrı şəxslər üçün iqtisadi təhlükə yaradır. Afrika və Cənubi Asiya ölkələri isə bu xüsusda ən ciddi problemlərlə üzləşəcəklər.
Bundan əvvəl Avropa Ətraf Mühit Agentliyinin (EEA) ekspertləri hesablamışdılar ki, qlobal istiləşmə fonunda Avropa İttifaqının illik iqtisadi itkiləri 2100-cü ilə qədər 1 trilyon avronu keçə bilər. Müqayisə üçün qeyd edək ki, 1980-2022-ci illərdə bu rəqəm 650 milyard avro olub.
Əzizə
