İlk baxışda cəlbedici, sonra yorucu olan bürclər
Bəzi insanlar ilk tanışlıqda olduqca maraqlı təsir bağışlayır, lakin münasibət yaxınlaşdıqca onların müəyyən davranışları qarşı tərəfi uzaqlaşdıra bilir. Astrologiyada bəzi bürclərin bu xüsusiyyətlərə daha çox meylli olduğu düşünülür.
Sfera.az xəbər verir ki, söhbət onların “pis insan” olmasından getmir. Əksinə, çox vaxt bu davranışların arxasında güclü xarakter xüsusiyyətləri, həssaslıq və ya özünü qoruma instinkti dayanır.
Əqrəb – hər şeyi nəzarətdə saxlamaq istəyir
Əqrəblər münasibətlərdə səmimiyyətə böyük əhəmiyyət verirlər. Lakin qarşı tərəfin davranışlarını çox analiz etmələri bəzən yorucu ola bilər. Mesaja gec cavab verilməsi, planın son anda dəyişdirilməsi və ya kiçik bir sirrin gizlədilməsi belə onların şübhələnməsinə səbəb olur. Qarşı tərəf isə bunu zamanla təzyiq kimi qəbul edə bilər.
Qız – yaxşı niyyətlə tənqid edir
Qız bürcünün nümayəndələri detallara diqqət yetirmələri ilə seçilirlər. Onlar yaxınlarının səhvlərini gördükdə çox vaxt susmurlar. Problem isə ondadır ki, “sənə kömək etmək istəyirəm” niyyəti ilə deyilən sözlər qarşı tərəfə davamlı tənqid kimi görünə bilər. Xüsusilə münasibətlərdə bu xüsusiyyət müəyyən məsafə yaradır.
Dolça – emosiyalarını göstərməkdə çətinlik çəkir
Dolçalar hisslərini hər zaman sözlə ifadə etmirlər. Onlar üçün şəxsi məkan və sərbəstlik vacibdir. Bu səbəbdən münasibətin əvvəlində çox maraq göstərib daha sonra öz dünyasına çəkilməsi qarşı tərəfdə “artıq mənə qarşı hissləri yoxdur” düşüncəsi yarada bilər. Halbuki dolça üçün bu, sadəcə özünə vaxt ayırmaq ehtiyacı ola bilər.
Oxatan – azadlığını məhdudlaşdırmaq istəmirlər
Oxatanlar münasibətlərdə səmimiyyət və rahat ünsiyyətə üstünlük verirlər. Onların ən çox problem yaşadığı məqam isə həddindən artıq nəzarətdir. Davamlı olaraq harada olduqlarının soruşulması, kimlə görüşdüklərinin izlənilməsi və hər addımlarına izahat tələb edilməsi oxatanı münasibətdən uzaqlaşdıra bilər. Bəzən onlar qarşı tərəfin gözləntilərinə uyğun davranmaq əvəzinə, birbaşa öz istəklərinin arxasınca getməyi seçirlər. Bu isə münasibətdə məsuliyyətsizlik kimi qəbul oluna bilər.
Əkizlər – tez dəyişən davranışları çaşdırır
Əkizlərin ən çox yanlış anlaşılan xüsusiyyətlərindən biri əhval və maraqlarının tez dəyişməsidir. Bir gün saatlarla danışıb, növbəti gün daha sakit davranmaları qarşı tərəfdə çaşqınlıq yarada bilər. Əslində isə bu, onların ünsiyyət tərzinin bir hissəsidir.
İradə Elsevər
