Neft Fondu valyuta satışını bir neçə dəfə ARTIRDI - RƏQƏMLƏR
İqtisadiyyat
10:58 / 07.01.2025
4962
Azərbaycan Respublikası Dövlət Neft Fondu 2024-cü ilin dekabrında keçirilən valyuta hərraclarında 634,5 milyon ABŞ dolları məbləğində xarici valyuta satıb.
Sfera.az Fonda istinadən xəbər verir ki, 2023-cü ilin dekabrı ilə müqayisədə Fondun satdığı xarici valyutanın həcmi bir neçə dəfə artıb.
Bir il əvvəl Fond ay ərzində 149,9 milyon dollar satmışdı ki, bu da 2024-cü ilin son ayındakı satışla müqayisədə 484,6 milyon dollar və ya 4,23 dəfə azdır. İllik müqayisədə də valyuta satışı artıb. Fond 2023-cü il ərzində 2,69 milyard dollar satdığı halda, 2024-cü ildə satışların həcmi 7 milyard 128,5 milyon dollar olub.
Satışlardakı illik artım 4,438 milyard dollar təşkil edib.
Vasif
Sfera.az
