Təhsil üçün ayrılmış vəsaitin neçə faizi xərclənib? - STATİSTİKA
2023-cü ildə dövlət büdcəsindən təhsil üçün ayrılmış 4129.9 milyon manatın 99.9%-nin icrası təmin edilib.
Sfera.az xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili məlumat verib.
O bildirib ki, hesabat ilində təhsil xərcləri ÜDM-in 3.4%-ni, dövlət büdcəsi xərclərinin isə 11.3%-ni təşkil edib. İcra edilmiş bu xərclər hesabına dövlət sifarişili bakalavriat səviyyəsi üzrə 100 726 nəfərin (əvvəlki illə müqayisədə 15 378 nəfər çox), magistratura səviyyəsi üzrə 12 977 nəfərin, rezidentura səviyyəsi üzrə 2048 nəfərin, doktoruntura səviyyəsi üzrə 619 nəfərin təhsil və təqaüd xərcləri ödənilib.
Eyni zamanda, məcburi köçkün statuslu 16 841 nəfərin, şəhid və əlil olmuş şəxslərin uşaqları olan 2464 nəfərin, valideynlərini itimiş və valideyn himayəsindən məhrum olmuş 1208 nəfərin təhsil və təqaüd xərcləri dövlət büdcəsindən ödənilib.
2023-ci ildə Elm üçün ayrılmış xərclər 193.8 milyon manat və ya 99.6% həcmində icra olunub. Hesabat ilinin elm xərcləri ÜDM-in 0.2%-ni təşkil edib.
Firuzə Əliyeva
