İdman

Bizim üçün çempionatda hər oyun vacibdir. "Kopenhagen"lə matçı düşünmürdük. Sadəcə ola bilər ki, heyət həmin oyuna görə formalaşıb. Çempionlar Liqası matçında 1-2 dəyişiklik ola bilər. Bunlar tam fərqli oyunlardır. Sfera.az xəbər verir ki, bunu “Qarabağ”ın baş məşqçisi Qurban Qurbanov “Qəbələ”ni məğlub etdikləri (2-0) oyundan sonra keçirilən mətbuat konfransında deyib. “Rəqiblər fərqlidir. Burada başqa cür hücumlar edirik, orada başqa fikirlər olacaq. "Qəbələ" 5 müdafiəçi ilə oynayır,

Azərbaycan Premyer Liqasında 6-cı tur start götürüb. Sfera.az xəbər verir ki, ilk oyun gününə nəzərdə tutulan 2 matç keçirilib. “Zirə” Qubada “İmişli”nin qonağı olub. Görüşdə 1:1 hesabı qeydə alınıb. Bu matçdan sonra “Zirə” 12 xalla 1-ci, “İmişli” isə 8 xalla 5-cidir. Digər matçda isə son çempion “Qarabağ” “Qəbələ”ni qəbul edib. Qarşılaşma meydan sahiblərinin 2:0 hesablı qələbəsi ilə başa çatıb. Digərlərindən 1 oyun az keçirən Ağdam təmsilçisi 7 xalla 5-ci pillədə qərarlaşır. Əyalət klubu isə 4

“Neftçi” növbəti transferini rəsmiləşdirib. Sfera.az xəbər verir ki, nigeriyalı futbolçu İfeanyi Metyu "ağ-qaralar"la anlaşıb 28 yaşlı yarımmüdafiəçi ilə “1+1” illik müqavilə bağlanıb. O, 18 nömrəli formanı geyinəcək. Qeyd edək ki, sonuncu klubu “Sürix” (İsveçrə) olan Metyu vətənindən başqa, Norveç və Türkiyə liqalarında da oynayıb. Metyu Norveç Kubokunun və 20 yaşadək futbolçular arasında Afrika Kubokunun qalibi olub.

"Çelsi" klubu önəmli oyunçularından birinin xidmətlərindən üç həftə yararlana bilməyəcək. Sfera.a z-ın xəbərinə görə, bu barədə "Çelsi" klubunun baş məşqçisi Enzo Mareska mətbuat konfransında məlumat verib. O bildirib ki, İngiltərə Premyer Liqasının V turunda keçirilən "Mançester Yunayted" - "Çelsi" (2:1) oyununun 21-ci dəqiqəsində zədələnən Kol Palmer üç həftəyə yaxın yaşıl meydanlardan uzaq qalacaq. Onun qasıq nahiyəsindən zədələndiyi qeyd olunub. Xatırladaq ki, noyabrın 5-də UEFA Çempionlar

Azərbaycan Basketbol Liqasında 2025/2026 mövsümünə bu gün start veriləcək. Sfera.az xəbər verir ki, günün yeganə matçında son çempion “Sabah” “Neftçi” ilə üz-üzə gələcək. Qarşılaşma Bakı İdman Sarayında, saat 19:00-da start götürəcək. Qeyd edək ki, tura oktyabrın 2-də yekun vurulacaq.

"Santos"un ulduz hücumçusu Neymar jurnalist Rodolfo Qomesi məhkəməyə verib. Sfera.az xəbər verir ki, bu barədə "Infobae" məlumat yayıb. Bir müddət əvvəl Qomes braziliyalı futbolçunun aldığı zədəyə görə ilin sonuna qədər meydana çıxmayacağını bildirib. O həmçinin Neymarın peşəkar idmanla uyğun gəlməyən həyat tərzi sürdüyünü iddia edib. Qomesin sözlərinə görə, Neymar viski və energetik içkilərdən asılıdır, tez-tez qəlyan çəkir və səhər saat 4-5-də yatır. Yuxu rejiminə görə "Santos"un məşqləri

UEFA Çempionlar Liqasının əsas mərhələsinin ikinci turunda keçiriləcək “Qarabağ” – “Kopenhagen” matçına 27 min 500 bilet satılıb. Sfera.az xəbər verir ki, bu barədə klubun rəsmi sosial şəbəkə hesabları məlumat yayıb. Qeyd edək ki, “Qarabağ” – “Kopenhagen” oyunu oktyabrın 1-də Tofiq Bəhramov adına Respublika stadionunda, saat 20:45-də start götürəcək. Xatırladaq ki, “Qarabağ” – “Kopenhagen” matçının biletləri ötən gün saat 15:00-dan etibarən satışa çıxarılıb.

III MDB Oyunlarının açılış mərasimində Azərbaycanın bayraqdarları müəyyənləşib Sfera.az cəbər verir ki, sentyabrın 28-də Gəncə şəhər stadionunda keçiriləcək III MDB Oyunlarının açılış mərasimində Azərbaycan bayrağını karateçi Asiman Qurbanlı və taekvondoçu Zemfira Həsənzadə daşıyacaq. Asiman Qurbanlı üçqat Avropa çempionu, 2019-cu il II Avropa Oyunlarının və III İslam Həmrəyliyi Oyunlarının qalibi, 2011-ci il dünya çempionatının gümüş mükafatçısıdır. Zemfira Həsənzadə olimpiya çəki

Yunanıstanın Katerini şəhərində keçirilən çimərlik güləşi üzrə U17 dünya çempionatında Azərbaycan idmançıları böyük uğur qazanıblar. Sfera.az xəbər verir ki, 55 kq çəki dərəcəsində çıxış edən Ülviyyə Musayeva finalda yaponiyalı Reisa Kojimaya 4:0 hesabıyla qalib gələrək dünya çempionu olub. O, yarımfinalda polşalı Aqata Kuçarskayanı 3:2, 1/4 finalda isə britaniyalı Naosi Makmanusanı 3:0 hesabıyla məğlub etmişdi. Digər uğurumuzu 80 kq çəki dərəcəsində Nihad Süleymanlı qazanıb. O, finalda

Azərbaycan paraüzgüçüsü Raman Salei Sinqapurda keçirilən dünya çempionatında növbəti medalını qazanıb. Sfera.az xəbər verir ki, o, yarışda 100 metr məsafəyə sərbəst üzmə üsulunda 54.01 nəticə ilə fəxri kürsüyə qalxıb. İdmançı bu dəfə bürünc mükafata sahib çıxıb. Qeyd edək ki, Raman Salei dünya çempionatının ilk günündə 100 metr məsafəyə arxası üstə üzmə üsulunda qızıl, ikinci günündə 100 metr məsafəyə "butterfly" (kəpənək) üsulunda bürünc, üçüncü günündə isə 50 metr məsafəyə sərbəst üzmə

"Qarabağ"ın UEFA Çempionlar Liqasında "Kopenhagen"ə qarşı keçirəcəyi matç üçün biletlərin qiymətləri açıqlanıb. Sfera.az xəbər verir ki, qiymətlərdə Ağdam klubunun avrokubokların təsnifat mərhələsində keçirdiyi matçlara nisbətdə artım müşahidə olunub. Belə ki, 20 manata satılan biletlərin qiyməti artırılaraq 30 manat olub. Digər tərəfdən matç üçün satılan 5 manatlıq biletlərin sayında azalma müşahidə olunub. Əvvəl 5 manata olan bəzi sektorlar hazırda 10 manatdır. VİP sektorlara giriş üçün də

AFFA İntizam Komitəsi "Sabah", "Qarabağ" və "Araz-Naxçıvan" klublarını cərimələyib. Sfera.az xəbər verir ki, bu barədə milli assosiasiyanın rəsmi saytı məlumat yayıb. Naxçıvan təmsilçisi 500 manat ziyana düşüb. Buna futbolçu Slavik Alxasovun Misli Premyer Liqasının V turunda "Qarabağ"la matçda ikinsi sarıdan qırmızı vərəqə alması səbəb olub. Oyunçu bir oyunluq cəza alıb. Ağdam təmsilçisi 5000 manat ödəməli olacaq. Komandanın azarkeşləri sözügedən qarşılaşmada rəqib futbolçunun ünvanına kütləvi

"Liverpul" klubunun 18 yaşlı futbolçusu Covanni Leoni ağır zədəyə məruz qalıb. Sfera.az xəbər verir ki, oyunçunun çarpaz bağları qopub və o, bir neçə ay meydana çıxa bilməyəcək. İtaliyanın "Parma" klubundan bu yay 31 milyon avroya transfer olunan Leoni İngiltərə Liqa Kubokunun 3-cü turunda "Sauthempton"la qarşılaşmada (1:2) debüt edərkən zədələnib. Qeyd edək ki, "Liverpul" UEFA Çempionlar Liqasının əsas mərhələsində "Qarabağ"ın qrup rəqiblərindəndir.

UEFA Avropa Liqasının əsas mərhələsinin I turunun oyunları davam edir. Sfera.az xəbər verir ki, bu gün daha 9 oyun keçiriləcək. UEFA Avropa Liqası Liqa mərhələsi I tur 24 sentyabr 20:45. "Qou Ehed İqlz" (Niderland) – FCSB (Rumıniya) 20:45. "Lill" (Fransa) - "Brann" (Norveç) 23:00. "Aston Villa" (İngiltərə) - "Bolonya" (İtaliya) 23:00. "Yanq Boyz" (İsveçrə) – "Panatinaikos" (Yunanıstan) 23:00. "Zaltsburq" (Avstriya) – "Portu" (Portuqaliya) 23:00. "Utrext" (Niderland) – "Lion" (Fransa) 23:00.

Fransanın "Nitsa" klubunun futbolçusu Dante UEFA Avropa Liqasının tarixinə düşüb. Sfera.az -ın məlumatına görə, braziliyalı müdafiəçi buna İtaliya təmsilçisi "Roma"ya qarşı keçirdikləri əsas mərhələnin I turunun oyununda iştirak etməklə nail olub. O, turnirdə iştirak edən ən yaşlı oyunçu adına sahib çıxıb. Dante bunu 41 yaş, 11 ay, 6 günündə bacarıb. Qeyd edək ki, "Nitsa" rəqibinə 1:2 hesabı ilə uduzub.

Azərbaycan yığmasının hücumçusu Mahir Emreli "Kayzerslautern" klubunun heyətinə düşə bilmir. Komandanın baş məşqçisi Torsten Liberknext bunu belə əsaslandırıb: “Mən həmişə yaxşı çıxışı mükafatlandırmaq istəyirəm. Hazırda Mahirin mütləq oynamalı olduğunu düşünmədim. Komanda hazırda bir dinamika tutub. Belə hallarda arxa planda qalmalı və heyətə qayıtmaq üçün çalışmalısan”. Bu barədə Almaniya mətbuatı məlumat yayıb. Xəbərdə eyni zamanda bunlar da qeyd edilib: "Emreli daha öncə əvvəlki klubu

Bu gün səhər saatlarında Təbrizin "Traktor" komandasının ilk baş məşqçisi İsmayıl Haşimi 88 yaşında dünyasını dəyişib. Sfera.az xəbər verir ki, bu haqda Təbriz mediası məlumat yayıb. 1937-ci ildə Təbrizdə anadan olan İsmayıl Haşimi 1954-cü ildə futbola başlayıb. "Traktor" komandasının qurulmasından əvvəl Təbrizin "Tac" və "Şahin" komandalarında çıxış edib. 1970-ci ildə "Traktor" komandası qurulub və İsmayıl Haşimi komandanın ilk baş məşqçisi olub. O, qısa müddət ərzində Təbriz təmsilçisini

"Mançester Yunayted" "Real Madrid"in ulduzu Arda Güleri transfer etmək üçün hərəkətə keçib. Sfera.az xəbər verir ki, Madrid klubu Ardanın transferinə razılıq vermək istəməsə də, "Mançester Yunayted" cəhdlərə başlayıb. İspaniya mətbuatında dərc edilən xəbərlərə görə, “Real” Arda ilə bağlı qəti mövqe sərgiləyib. “Real”ın prezidenti Florentino Peres Ardanı satmaq istəmir. Lakin Ardanın sərbəst qalma haqqı ödənilərsə, o göndərilə bilər. Onun müqaviləsində sərbəst qalma maddəsi olmasa da, bu rəqəmin

“Herta”nın 14 futbolçusu həftə ərzində baş tutan məşqlərə qatıla bilməyib. Sfera.az xəbər verir ki, bu barədə Berlin təmsilçisinin kapitanı Fabian Riis məlumat verib. Onun sözlərinə görə, komanda yoldaşları koronavirusa yoxulub. Bu səbəbdən 14 oyunçu məşqlərdə iştirak etməyib. Qeyd edək ki, “Herta” II Bundesliqanın VII turu çərçivəsində səfərdə “Nürnberq”in qonağı olacaq. Qarşılaşma sentyabrın 28-də baş tutacaq.

Portuqaliya millisinin baş məşqçisi Roberto Martinesin Kaskais qəsəbəsindəki evi qarət olunub. Sfera.az xəbər verir ki, bu barədə “The sun” nəşri yazıb. Bildirilib ki, oğrular evə daxil olaraq bir milyon avrodan çox dəyəri olan qızıl-zinət əşyaları və bahalı saatları aparıblar. Qeyd edək ki, Roberto Martines 2023-cü ildən Portuqaliya yığmasını çalışdırır.

Kilian Mbappe "Real" klubunun heyətində La Liqada vurduğu qolların sayına görə Zinəddin Zidan və İsko Alarkonu geridə qoyub. Sfera.az-ın məlumatına görə, 26 yaşlı hücumçu buna "Levante"yə qalib gəldikləri VI turunun oyununda dubl etməklə nail olub. Fransalı hücumçu çempionatdakı 40-cı matçında 38-ci qoluna imza atıb. Qeyd edək ki, K.Mbappe 2024-cü ilin yayından Madrid təmsilçisinin formasını geyinir. Onun "kral klubu" ilə müqaviləsinin müddəti 2029-cu ilin yayınadək qüvvədədir.

Çempionlar Liqasının 3-cü turunda İspaniyanın “Atletik”(Bilbao) və “Qarabağ” arasında keçiriləcək oyunun biletləri artıq satışa çıxarılıb. Sfera.az xəbər verir ki, biletlərin qiyməti yerindən asılı olaraq 60-220 avro (təxminən 120-440 manat) arasında dəyişir. “Atletik” – “Qarabağ” oyunu oktyabrın 22-də “San Mames” stadionunda keçiriləcək və görüşə Bakı vaxtı ilə saat 20:45-də start veriləcək. Qeyd edək ki, bir turdan sonra “Qarabağ”ın aktivində 3 xal var. “Atletik” isə evdə “Arsenal”a 0:2

"Bu gün Bakıda keçirilən 1-ci Azərbaycan Beynəlxalq İnvestisiya Forumunda iştirak etməyimdən çox məmnunam. Azərbaycanda bir sıra sahələrə investisiya yatırılır. Futbol perspektivli sahədir. Bu sahəyə investisiya qoyulmağını da çox istərdik". Sfera.az xəbər verir ki, bu barədə "Qarabağ" futbol klubunun baş məşqçisi Qurban Qurbanov Bakıda keçirilən 1-ci Azərbaycan Beynəlxalq İnvestisiya Forumunda deyib. O bildirib ki, hər bir idmançı çempion olmağı arzulayır, bu adı almaq üçün futbolçu daha çox

Azərbaycan Futbol Federasiyaları Assosiasiyası (AFFA) milli komandanın yeni baş məşqçisini demək olar ki, müəyyənləşdirib. Sfera.az xəbər verir ki,İdman.biz-in əldə etdiyi məlumata görə, yığmaya böyük ehtimalla Azərbaycanın U-21 millisinin çalışdırıcısı Ayxan Abbasov rəhbərlik edəcək. Mənbənin sözlərinə görə, hazırda müzakirələr məşqçinin namizədliyi ilə bağlı deyil, onunla imzalanacaq müqavilənin müddəti ətrafında aparılır. İki variant nəzərdən keçirilir: ya cari seçmə mərhələ bitənədək, ya da