Tiflis teleqülləsi və “Sülh körpüsü” Azərbaycan bayrağının rəngləri ilə İŞIQLANDIRILDI - FOTO
21:45 / 28.05.2022
183
Gürcüstanın paytaxtı Tiflisin iki əsas simvolu - televiziya qülləsi və “Sülh körpüsü” Azərbaycan bayrağının rəngləri ilə işıqlandırılıb.
Sfera.az Report-a istinadən xəbər verir ki, aksiya 28 May - Azərbaycanın Müstəqillik Gününə həsr olunub.
Axşam saatlarından etibarən 275 metrlik teleqüllə və Kür çayı üzərindəki şüşəli piyada körpüsü yaşıl, qırmızı və göy rənglərlə işıq saçmağa başlayıb.
Azərbaycan bayrağının rənglərinə boyanmış teleqüllə və “Sülh körpüsü” Tiflisin axşam mənzərəsinə xüsusi gözəllik qatıb. Mənzərəni mərkəzi Rike parkdan Azərbaycanın Gürcüstandakı səfirliyinin əməkdaşları da izləyib.