1a:T7d3,

Donald Tramp ilə milyarder İlon Mask arasında siyasi və iqtisadi müstəvidə gərginlik pik həddə çatıb. Tramp, Maskın şirkətlərini hədəfə almaq niyyətində olmadığını desə də, Mask bu açıqlamaları yalan adlandırıb.

Sfera.az xarici mediaya istinadən xəbər verir ki, Tramp açıqlamasında “İlonun şirkətlərini, aldıqları subsidiyaları ləğv edərək dağıtmaq istədiyimi deyirlər.

Bu doğru deyil. Mən onun və bütün Amerika bizneslərinin inkişaf etməsini istəyirəm”, – deyə qeyd edib.

Prezident,daha əvvəl Maskın dövlət dəstəyi ilə böyüdüyünü iddia etmiş və bu dəstəklərin kəsilə biləcəyinə eyham vurmuşdu. Lakin son açıqlaması ilə bu fikirlərdən geri çəkildiyi görünüb.

Mask isə bu açıqlamalara cavab olaraq “X” platformasında paylaşım edərək, Trampın iddialarını rədd edib. O, ABŞ hökumətindən hər hansı bir subsidiyanı almadığını bildirib və “SpaceX”in dövlətlə müqavilələri “daha keyfiyyətli və daha sərfəli” olduğu üçün qazandığını vurğulayıb.

“Əgər bu müqavilələr başqa şirkətlərə verilsə, astronavtlar ortada qalacaq və ABŞ vətəndaşları vergiləri hesabına ikiqat xərc ödəyəcək”, – deyə Mask bildirib.
“Tesla” rəhbəri əlavə edib ki, elektrikli avtomobillərə yönəlik vergi təşviqlərinin ləğvi şirkət üçün “çətin bir neçə rüb” demək olacaq.

Xatırladaq ki, Elon Mask bu ilin iyulunda yeni siyasi partiya qurduğunu açıqlamış və Trampın tətbiq etdiyi vergi qanunlarının ABŞ iqtisadiyyatını “iflasın astanasına gətirdiyini” deyə tənqid etmişdi.

Bəsti Rəfizadə
Sfera.az

4:[["$","script",null,{"type":"applic

Mask prezidenti tənqid etdi: “Tramp yalan danışır”