Zaman Ukraynanın əleyhinə işləyir - Orban

Ukrayna Rusiya ilə münaqişədə üstünlük əldə edə bilmir və zaman Kiyevin əleyhinə işləyir. 

Sfera.az “TASS”agentliyinə istinadən xəbər verir ki, bu barədə Macarıstanın Baş naziri Viktor Orban deyib.

“Zaman Ukraynanın tərəfində deyil. Bu, bir il əvvəl də belə idi, indi də belədir”, – deyə Orban vurğulayıb.

Baş nazir 2024-cü ilin iyul ayında Kiyevə səfər etdiyini və burada Ukrayna Prezidenti Volodimir Zelenskiyə Rusiya ilə münaqişənin sülh yolu ilə həllində vasitəçilik təklif etdiyini xatırladıb.

“Bir il əvvəl atəşkəs üçün daha əlverişli şərait var idi. İndi Ukrayna üçün Rusiya ilə sülhə nail olmaq daha çətindir”, – deyə o bildirib.

Orban əlavə edib ki, Ukrayna sülh tərəfdarı olmalı idi, lakin onlar mənim təklifimi rədd etdilər.

Fidan Hacızadə
Sfera.az